Daniel 1:7 - Cofán: Chiga Tevaen'jen

⁷ Tsesu inisendeccuma tsu na'su tsa'oma coira'suja ccaningae ini'sian: Danielmajan Beltsasar; Ananíasmajan Sadrac; Misaelmajan Mesac; toya'caen Azaríasmajan Abednegove.

Daniel 1:7 Referans Kwoze

Daniel 5:12

Tsa tsu Daniel. Tsama tsu que yayaccashe'ye na'suiteja Beltsasar qquen inisian. Tsani tsu Chiga Qquendya'pa can'jemba in'jaensi ñoa'me injama'pa've dapa osha'choma pañamba in'jañe atesu. Toya'caen jongoesune ayo'ocho ma'caen in'jamba conda'masia'ma'qque condaye osha. Ma'caen tise conda'ninda tsa'caen tsu daya. Tsa Danielma ttu'seja, Ti'tsse'tssia. Tsa tsu va ttuccu utufanga tevaen'choma camba jongoesu qquen su'choma condaye osha.

Daniel 4:8

Osefa'poe tsu Daniel, tsa Beltsasar'qque ña chigandeccune ñotssiave inisian'choaja ji. Tsama tsu ñoa'me joccapitssia Chiga Qquendya'paja angacan. Tise jisi gi ña ayo'ochoma condaseye ashaemba qquen su:

Daniel 2:49

Daniel iñajanqquia'caen na'suja Sadrac, Mesac, toya'caen Abednegoma'qque ca'niansi tsu tise Babilonia'su provinciane in'jan'choma tson'jen'fa. Tsa'ma Danielja na'sui'ccu fae'ngatsse manda'je.

Daniel 1:3

Toya'caen tsu na'su ettini tisema shondo'su Aspenazma manda cuintsu na'su Joacim dutssiyendeccu toya'caen israe'su ti'tsse'tssiandeccumbe dutssi'ye'suma attufaemba iye. Nane tsa dusungandeccu

2 Reyes 24:17

Babilonia'su na'suja tsa'caen Joaquínma joqquitssiamba tise ton'ton Mataníasma Judá na'suve ccutsian. Tsa'caen tsomba tise inisema cambian Sedequíasve.

2 Reyes 23:34

Tsonsi faraón, tsa Necaoja, Joacazma joqquitssiamba faesu Josías'ye dutssi'ye, Eliaquimma ccutsian cuintsu na'suve dapa tise yaya'ye mandaqquia'caen manda'jeye. Toya'caen tise inisema cambiamba inisian Joacim. Joacazmajan indipa anga Egiptoni. Tseni tsu tsaja pa.

Daniel 2:26

Tsa'caen susi pañamba na'suja Danielma su: —¿Ñoa'me ti qui su? ¿Osha ti qui ma'caen ña ayo'ochoma condapa, toya'caen jongoesune ña tsa'caen ayo'ochoma condaye?

Génesis 41:45

Tsomba faraónjan Joséma Zafnat-paneame inisiamba On canqque'su chigama afa'su Potifera onque'nge Asenatnga antte. Tsa'caen tsonsi poiyi'cco a'i tsu in'jan'fa José ti'tsse'tssia've da'chove.

Daniel 1:19

Tsa'caen angasi na'suja poiyi'cco dusungandeccui'ccu condasepa jo'su cuatroveyi atte cca'indeqquia'ma ti'tsse'tssindeqquia've. Tsendeccu tsu Daniel, Ananías, Misael toya'caen Azarías. Tsa'caen dapa tsendeccuja na'suma shondosundeccuve ca'ni'fa.

Daniel 4:5

Tsa'ma fae cose anañe ccuipa anamba gi ñoa'me dyo'tssia've ayo'o. Tsa in'jan'cho toya'caen attian'cho tsu ñoa'me ñama dyoña.