Colosa'su 1:15 - Cofán: Chiga Tevaen'jen

¹⁵ Chiga Quitsaja atte'masia. Tsa'ma Jesúsja tsa'suyi tsu. Toya andeve aga'ttoembi'te Jesúsja canse.

Colosa'su 1:15 Referans Kwoze

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

Juan 1:1

Me'ttia'ye Chiga Aya'faja jin. Chiga Aya'faja Chigai'ccu can'jemba Chiga tsu.

2 Corinto'su 4:4

Nane va ande'su na'su Satana tise'pa injama'choma fanangoen tansintsse paña'fasa'ne. Binie daqquia'caen a'tatssia Cristone ñotsse condase'choma in'jan'fambi. Cristoja Chigai'ccu fae'ngatssipa Chigama inginga a'tatsse canjaensi tsendeccuja atteye oshambipa in'jan'fambi.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Filipo'su 2:6

Nane Jesucristoja Chiga tsu. Tsa'ma tise Chigai'ccu fae'ngae jincho'choma injanga an'biamba canjaeñe in'jambi.

2 Corinto'su 4:6

Chiga Quitsaja coejechigave agattoemba su: “Cuintsu sintssia'ye a'tatssia've chanjuñe.” Tsa Chigayi tsu ingi injama'choma'qque chanjienqquia'caen a'tatsse in'jaen cuintsu ingija Jesucristo cambajuma attepa Chiga a'tatssia've atesu'faye.

Salmos 89:27

Tsa'caen susi gi dutssi'ye coenzanga antte'choma tisenga antteya cuintsu tiseja poi ande'su nasundeccuma ti'tsse'tsse daya.

Romanos 8:29

Nane Chigaja tsa'caen tayoe in'jamba ingi toya meinte ingine tsa'caen antte cuintsu Jesucristoa'caen da'faye. Tsa'caen tsu in'jan cuintsu Jesucristoja ingi poiyi'ccombe joccapitssia quindyave daye.

1 Timoteoga 1:17

Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Hebreo'su 1:6

Tsa'ma Chiga Quitsaja Tise Dutssi'yeveyi va andeni moemba attepa su: In'jan gi cuintsu poiyi'cco ñama sefacconi'su shondosundeccu tisema ñotsse afa'faye.

1 Timoteoga 6:16

Chiga Quitsayi tsu ñoa'me pa'masia. Tise ñotssiaye chanjunsi ni majañi'qque Tisenga catse'fambi. Nane a'ija Tisema attembipa ñoa'me atteye osha'fambi. Tisene gi tsangae ñotsse afa'faya'cho. Tsangae tsu Tiseja osha'choma oshacho. Tsangaeyi.

Juan 15:24

Ña cca'i canjaen'choma ti'tsse canjaembiecan'da tise'paja shacapa'biye'can tsu tise'pa egae tsincon'chone. Tsa'ma ja'ño tsendeccuja osha'choma ña tsonsi atte'a'qque ñama chi'gapa ña Yayama'qque chi'ga'fa.

Juan 3:16

Nane Chigaja va andeni'su a'ima tsain'bitsse in'jamba Tise Dutssi'ye fae'ccoama a'inga afemoen cuintsu poiyi'cco majan tise've in'jan'chota catiyembe'yi Chigai'ccu tsangae canse'faye.

Colosa'su 1:13

Chigaja sinttia'su na'su Satana'ñe ingima ccushaemba Tise in'jan'cho Dutssi'ye Na'su Jesúsnga ingima ca'nian.

Hebreo'su 11:27

Nane omboe Moisésja Chigave in'jamba israe aindeccuma angacamba Egipto ande'ye somboen faesu andeni jaye. Egipto'su na'su iyicca'yepa se'pi'ni'qque Moisésja dyombe'yi a'ima somboen. Nane attembi'a'qque Chiga tisei'ccu fae'ngae jacan qquen in'jamba dyombi'tsse a'ima somboemba angacan.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Éxodo 24:10

Tseni tsu atte'fa israendeccumbe Chigama. Nane tise tsu'tte tsosiccuni tsu veyaratssia totoa patiacaen chanjun. Toya'caen sefaccoa'caen a'tatssi tsu.