Amós 7:15 - Cofán: Chiga Tevaen'jen

¹⁵ Tsa'caen ña canse'choma tsu Na'suja tsa'ye ñama itsapa mandapa su: ‘Japa ña Aya'fama ña israel aindeccunga condaja.’

Amós 7:15 Referans Kwoze

Mateo 9:9

Tsomba Jesús tse'ttie sombopa govierno impuestoma isu'je'ttima panshamba a'ima atte. Tsa a'ija, Mateo, impuestoma isuye dyaisi Jesús tisema avuse: —Ñai'ccu jipa jacanjan. Qquen susi Mateo jangipa Jesúsi'ccu jacan.

Jeremías 1:7

Tsa'ma Na'suja ñama su: “ ‘Ñajan toya chu'a’ qquen afajama. Mani ña manda'ninda qui jaya. Jongoesu qquen ña afa'ninda qui tsama condaya.

Tson'fa'cho 5:20

—Que'ija japa Chiga ettinga ccutsupa pa'tssi va ñotsse canseya'chove atesian'jen'choma aindeccunga condase'faja.

Tson'fa'cho 4:20

Nane ingi pañamba atte'chone afa'je'chomanda gi antteye osha'fambi.

Tson'fa'cho 1:8

Tsa'ma Chiga Qquendya'pa que'ima in'jaen'nijan que'i'qque qui osha'choma osha'faya. Tsa'caen oshapa qui ñane Jerusalén canqqueni condase'faya. Toya'caen qui Judea andeni, Samaria andeni, ñoa'me poi biani'su andenga'qque ñane condase'faya.

Jeremías 26:12

Tsonsi Jeremíasja nasundeccu, poi aindeccunga qquen su: “Ñoa'me tsu Na'su Chiga ñama moe tise su'choma afaye. Nane tise mandasi gi va canqque, va Chiga ettine'qque conda que'i pañaqquia'caen.

1 Reyes 19:19

Elíasja tsene sombopa japa Eliseoma cachui andema dyandya'je'choma. Nane Eliseo tsu sema'su vaurai'ccu semamba an'ccoma qquitssa'je andema dyan'dyaye joña'chove. Nane tisema o'tie tsu dose qquitssapa dyandya'je'cho–poiyi'cco tsu dos vaura. Eliseo tsu omboe jiña'cho dosma asittaen'su. Elíasja Eliseoma cachuipa tise omba'su oppoen'cho sarupai'ccu Eliseonga catsepa oppoen.

Amós 3:8

Ttesi fundo'je'ninda poiyi'cco a'i tsu dyo'fa. Toya'caen Na'su afaen'ninda, ña, tise Aya'fama afa'suja, aqquia injanga afaya'bi.