Amós 3:8 - Cofán: Chiga Tevaen'jen

⁸ Ttesi fundo'je'ninda poiyi'cco a'i tsu dyo'fa. Toya'caen Na'su afaen'ninda, ña, tise Aya'fama afa'suja, aqquia injanga afaya'bi.

Amós 3:8 Referans Kwoze

Tson'fa'cho 4:20

Nane ingi pañamba atte'chone afa'je'chomanda gi antteye osha'fambi.

Amós 3:4

Ttesi'qque tsampini seyo'je'tti'e tayo tise indipa anqque'suma atte. Tise can'jen'ni can'jemba seyo'je'a'qque tayo indipa an'jen.

Canjaen'cho 5:5

Ña i'nasi coenza'suja ñanga catsepa su: —I'najama. Que canjan. Judá aindeccunejan fae a'i tsu Leon'ca'en na'suve dapa patsu. Nane tiseja David omba'su dutssi'yepa tsu jipa patsu. Tiseja siete tuño ancaen'choma battiamba findi'cho tevaen'jema fettaye osha.

1 Corinto'su 9:16

Ñajan Jesucristone ñotsse condase'choma candusiamba tsa'caen patsuye gi oshambi. Tsa'ma Chiga mandasi gi candusiaña'cho. Nane candusiambi'ta gi ñoa'me vanaña.

Tson'fa'cho 5:29

Qquen susi Pedro, faesu Jesúsne afasundeccu'qque qquen conda'fa: —Ingija Chiga Quitsama pañaña'cho. A'i ccaningae manda'ninda pañañe osha'fambi gi.

Tson'fa'cho 5:20

—Que'ija japa Chiga ettinga ccutsupa pa'tssi va ñotsse canseya'chove atesian'jen'choma aindeccunga condase'faja.

Jeremías 26:12

Tsonsi Jeremíasja nasundeccu, poi aindeccunga qquen su: “Ñoa'me tsu Na'su Chiga ñama moe tise su'choma afaye. Nane tise mandasi gi va canqque, va Chiga ettine'qque conda que'i pañaqquia'caen.