Amós 1:1 - Cofán: Chiga Tevaen'jen

¹ Toya dos canqque'fa ande oyambi'te Chigaja Tecoa canqqueni canjen'su ovejama coira'su Amósma in'jaemba Israelne conda. Tsaite Uzías Judáma manda'jesi Joás dutssi'ye Jeroboamjan Israelma manda'je.

Amós 1:1 Referans Kwoze

Amós 7:14

Tsa'ma Amós tisema su: —Chiga Aya'fama afa'sumbi gi. Ni tisuma tsesuve canjaembi gi tsai'ccu ganamba canseye. Tsa'ma ovejama coira'suve gi semamba canse. Toya'caen tsampi'su higoma taipa gi ganamba canse.

1 Reyes 19:19

Elíasja tsene sombopa japa Eliseoma cachui andema dyandya'je'choma. Nane Eliseo tsu sema'su vaurai'ccu semamba an'ccoma qquitssa'je andema dyan'dyaye joña'chove. Nane tisema o'tie tsu dose qquitssapa dyandya'je'cho–poiyi'cco tsu dos vaura. Eliseo tsu omboe jiña'cho dosma asittaen'su. Elíasja Eliseoma cachuipa tise omba'su oppoen'cho sarupai'ccu Eliseonga catsepa oppoen.

Jeremías 1:1

Va tevaen'jen tsu Hilcías dutssi'ye Jeremías su'choma, toya'caen tise tson'choma'qque conda. Nane Benjamín aindeccu andeni, Anatot canqqueni'qque tsu Jeremías aindeccuja can'jen'fa. Chigama afasundeccu tsu.

Isaías 1:1

Na'su Chiga tisema in'jaensi Amoz dutssi'ye Isaíasja Chiga Judáne toya'caen Jerusaléne su'choma afa. Nane Uzías, Jotam, Acaz toya'caen Ezequías Judá andema manda'je'fa'ni tsu Isaíasja Chiga Aya'fama afa.

1 Corinto'su 1:27

Tsa'ma Chigaja va ande'su “injiengembindeqquiama” tsu ttu'se cuintsu injama'pandeqquiama qqueña'faye. Va ande'su “quin'su mechondeqquiama” ttu'se cuintsu mandasundeccuma qqueña'faye.

Miqueas 1:1

Jotam, Acaz toya'caen Ezequías Judá andema manda'je'ni tsu Na'su Chigaja Moroset canqque'su Miqueasma in'jaen. In'jaemba tsu Samaria toya'caen Jerusaléne tisema conda.

Oseas 1:1

Uzías, Jotam, Acaz toya'caen Ezequías Judá andema manda'je'ni tsu qquen Na'suja Oseasnga conda. Oseasja Beeri dutssi'ye tsu. Na'su qquen condasejeite tsu Joás dutssi'ye, Jeroboamjan Israel ande na'su.

Éxodo 3:1

Moisésja tise quitsa ccashe'ye Jetro ovejandeccuma coira'je. Nane Jetro tsu Madián'su Chigama afa'su (tise faesu inise Reuel). Tsa'caen coira'jepa biani a'i menia angapa fae a'ta tsu Horeb ccotta'cconga nepi. Tsa ccotta'cco tsu Chiga can'jen'cho ccotta'cco.

Mateo 4:18

Jesúsja Galilea mar otafa'ye jacamba dos tisu antianaccu jacan'fa'choma atte. Simón –tsambe faesu inise Pedro– tise quinshin Andrési'ccu marma avuve vachocan'fa. Tsa'caen semamba ganamba canse'fa.