2 Corinto'su 3:7 - Cofán: Chiga Tevaen'jen

⁷ Tayopi Chigaja Tise a'i'ccu injancco'fa'cho manda'choma patunga fuchha tevaemba afe. Afesi Moisés Chiga Quitsanga catsepa tsama isusi tise camba'ju'qque chanjun Chiga a'tatssiai'ccu. Nane tsa'caen chanjunsi cca'i israendeccuja Moisés cambajuma cañe osha'fambi. Tsa'ma tsa'caen ñotssiai'ccu jisi jai'ngae tsu a'tatssiaja pasa. Tsa'cansi tsa manda'cho'qque a'ima ccushaeñe oshambipa pasaya. Tsa'ma pasaqque'su tsa'caen a'tatssiai'ccu jipa ñotssisi

2 Corinto'su 3:7 Referans Kwoze

1 Corinto'su 13:10

Tsa'ma ñotssia jisi tsa toya ñotssimbi'choa tsu pasaya.

Romanos 10:4

Tsa'ma Jesucristo jisi Moisés manda'choja tayo pasa cuintsu poiyi'cco majan Jesúsve in'jan'da ño'ame da'faye.

Éxodo 31:18

Na'su Chigaja Sinaí ccotta'cco'ye Moisésnga afa nanimba dos patufin'dima afe tise manda'chove tise tsimian'ccoi'ccu tevaen'choma.

2 Corinto'su 3:6

Tise ingima fuitesi gi Tise a'i'ccu cuname injancco'fa'chone candusiansundeccu. Va injancco'fa'choja tevaemba manda'chombi tsu. Tsa'ma Chiga Qquendya'pa in'jaen'cho tsu. Nane tevaemba manda'cho a'ima ccushaeñe oshambisi a'ija tsama in'jan'da tsu pa'faya. Tsa'ma Chiga Qquendya'pa a'ima qquendyaensi tsu canse'faya.

2 Corinto'su 3:3

Nane que'ija Cristo tevaen'jen'fa qui. Tsa'cansi Cristo in'jaensi ingija tise tevaen'jenga tevaenqquia'caen que'inga atesian'jen'fa. Atesiansi que'i tsa'caen Cristo in'jan'choma qui canjaen'fa. Cristoja tevaen'ccoi'ccu tevaen'jenga tevaembi. Ni patunga fuchhapa tevaembi. Tsa'ma cansetssia Chiga Qquendya'pa que'i injama'choma in'jaensi tsu Cristo su'cho que'i injama'choni can'jen.

Éxodo 24:12

Tsonsi Na'su Chigaja Moisésnga su: —Ña can'jen'cho ccotta'cconga ansundepa tse'tti ñame ronda'jeja. Nane quenga gi afeye in'jan dos patufin'dinga ña manda'chove tevaen'choma cuintsu israendeccuma manda'jeye.

Romanos 4:15

Nane manda'choma pañamba tsombian'da vanaeña'cho. Tsa'ma manda'chove me'i'ecan'da tsu a'i'qque shacave mecho'faye'can tsesu manda'chone.

Romanos 7:10

Tsa'caen tsu a'ima ccushaeñe manda'cho ñama fi'tti.

Tson'fa'cho 6:15

Qquen su'fasi nasundeccuja poiyi'cco tse'tti dyaisundeccu'qque Esteban cambajuma camba Chigama sefacconi'su shondo'su cambajia'caen atte'fa.

Romanos 7:22

Ña injama'cho tsosipie gi Chiga manda'choma in'jan.

Éxodo 34:1

Na'su Chigaja Moisésnga su: —Ja'ñojan queyi patuma chattupa ñoñajan dos patufin'dive tayosia'cantsse. Tsonsi gi ña tsanga tevaeña que ttova u'cca'chonga afapa tevaenqquia'cantsse.

Éxodo 32:19

Tsa'caen supa canqquenga nepipa corima ñoña'cho vaura du'shuma atte. Toya'caen boira'je'choma'qque attepa ñoa'me iyicca'yepa tse'tti ccotta'cco andepa'ttinga tisu isu'cho patufin'dima ttova do'jo.

Génesis 3:21

Tsomba Na'su Chiga Quitsa tise'pama ondiqquian. Nane ttonoma ondiccu'jeve ñoñamba tsandie, tise pushema'qque ondiqquian.

Hebreo'su 9:4

Sarupa picco'je'cho jin'tti tsu corima ñoña'chonga si'ngema oque'je'cho jin. Tseni tsu ñome'bama ccuiñamba Chiganga oque oraen'jen'cho. Toya'caen Chiga a'i'ccu fae'ngae injancco'fa'chove canjaen'cho cafon'qque tsu tsa enttinge'su cuartoni jin. Tsa cafonjan pa'cco cori'ccu oppoen'cho tsu. Nane sepaccofama naccufama'qque cori'ccu oppoen'cho tsu. Cafoni tsu cori api ppi. Nane tsa apini tsu Chiga a'inga afe'cho pan'can maná ppi. Toya'caen Aarón accuicco'cho'qque tsani ccui. Tsaja quini'cco samba sho'yo'cho tsu. Sho'yopa tsu Chiga Aarónme in'jan'chove canjaen. Toya'caen Chiga a'i'ccu fae'ngae injancco'faye manda'choma tevaen'cho patu'qque tsani ppi.

Romanos 5:20

Tsonsi Chigaja Tise manda'choma condase cuintsu aindeccu tise'pa egae tsincon'choja ti'tsse ega qquen in'jan'faye. Tsa'ma tsa'caen in'ja'an'qque ti'tsse egae tsincon'fasi Chigaja a'ima ti'tsse mende'yepa ccushaen.

Romanos 7:5

Tayoe ingija tisu in'janqquia'caen canse'fasi manda'choja ingi egae in'jan'choma ti'tsse in'jaen. Tsa'caen in'jaensi gi paya'ngae ti'tsse egae tsincon'fa.

2 Corinto'su 3:8

Chiga Qquendya'pa a'i'ccu cuname injancco'fa'chone in'jaen'choja pasa'masiapa ti'tsse ñotssi tsu.

Galacia'su 3:10

Nane poiyi'cco majan manda'choma pañamba ccushaye qquen in'jan'chondeccu tsu ñoa'me tsangae qque'faya. Tayo tsu tevaen qquen su'choma: “Majan va manda'choma pañamba pa'ccoma tsombi'ta ñoa'me tsu tsangae qque'faya.”

Galacia'su 3:21

Qquen susi ¿manda'chota ti Chiga ñoa'me su'choi'ccu poini ccofettacco'je? Me'i. Manda'choi'ccuyi a'ima ccushaeña'choecan'da tsa'caen tsu Chigaja mandaye'can cuintsu a'i ño'ame da'faye.

Hebreo'su 3:3

Tsa'ma Jesúsja Moisésma ti'tsse'tssiasi tisene tsu bove ñotsse afa'faya'cho.

Hebreo'su 12:18

Tayopi Chigaja aindeccunga condasesi dyo'fa. Que'ija tsendeqquia'caen Chigama paña'fambi. Nane pañasundeccuja Sinaí ccotta'cconga ca'tsa napijipa bo'fa. Tsa ccotta'cconi sintssi dyo'tssi ccutsusi tsu attepa in'jan'fa Chigaja pporotsse can'jen. Si'nge anchanda'je'choma'qque atte'fa. Toya'caen quia'me fingiansi tsanda tsu afa.