1 Timoteoga 1:17 - Cofán: Chiga Tevaen'jen

¹⁷ Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

1 Timoteoga 1:17 Referans Kwoze

Canjaen'cho 19:1

Tsomba tse'i tsain'bio a'i Chiga sefacconi bopa afasi gi paña. Qquen tsu quia'me afa'fa: ¡Aleluya! Chiga ingima Ccushaen'suja Osha'choma tsu Oshacho. Tisema ñotsse afa'faya'cho.

Canjaen'cho 17:14

Tsonsi tsu Ovejai'ccu geraen'faya. Tsa'ma Oveja tsu tise'pama patsuya. Nane Ovejaja poi na'sumbe na'su tsu. Poi manda'suma manda'su tsu. Tsa'camba tsu cocoyandeccuma patsuya. Toya'caen Ovejaja Tise aindeccuma in'jamba ttu'sesi tsendeccu'qque Tise've in'jamba fae'ngae tisei'ccu cocoyama patsu'faya.

Colosa'su 1:15

Chiga Quitsaja atte'masia. Tsa'ma Jesúsja tsa'suyi tsu. Toya andeve aga'ttoembi'te Jesúsja canse.

Canjaen'cho 19:16

Tise omba'su ondiccu'jenga, toya'caen tise ttena'gonga'qque tsu qquen faesu iniseve tevaen'cho: Poi manda'suma Manda'su; Poi na'sumbe Na'su.

Romanos 1:23

Tsa'caen dapa pa'masia Chigama cati'fa. Ñoa'me'qque osha'choma ti'tsse'tssia Chigama catipa tise'pa tivei'ccu ñoña'choma iñajan'fa. Majan tise'pa tivei'ccu ñoña'choja paqque'su a'ia'ca'on, majanda chhiriria'ca'on, majanda tsu'tte tivei'ccu jacanqque'siaca'on, majanda ande'ye manguqque'siaca'on.

Salmos 45:6

¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

Canjaen'cho 19:6

Toya'caen tsain'bio a'i bopa fundoqquia'caen gi paña. Na'en bo'epa jenqquia'caen, tsanda quia'me afaqquia'caen afasi gi qquen paña: ¡Aleluya! Tayo tsu Na'suja mandaye ashaen. Chiga ingi Na'suja osha'choma tsu oshacho.

1 Juan 4:12

¿Minguite'qque a'ija Chigama atte'fambi? Tsa'ma tisupapora ñotsse injancco'fasi Chigaja ingi injama'choni can'jen. Tsa'caen in'jamba gi Chiga in'janqquia'caen ñotsse in'jan'fa.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Mateo 6:13

Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.

Salmos 10:16

Nane tsangae tsu Na'su Chigaja manda'jeya. ¡In'jambindeqquia tsu tise ande'ye joqquitssiange'faya!

Canjaen'cho 15:3

Guitara'ca'ma jeñamba Chigambe shondo'su Moisés settapoen'choma settapoen'fa. Nane tsaja Chigambe Oveja settapoen'cho tsu. Na'su Chiga, osha'choma qui oshacho. Osha'cho Que tson'choja ti'tsse'tssia tsu. Ñotssia tsu. Tansintsse condapa qui tansintsse tson'jen. Tsangae qui poiyi'ccoma manda'je.

Canjaen'cho 7:12

qquen supa: Tsangaeyi. Chigaja Ñotssiasi Tisema ñotsse afa'faja. Tiseja injama'pa quin'amba osha'choma oshachosi avujatsse afa'faja. Nane tsa'caen afa'je'ta ingi Chigama gi tsangae ñotsse afa'je'fa. Tsangaeyi.

2 Pedro 3:18

Tsa'ma bove ñotsse atesu'faja Na'su Jesucristo, ingima ccushaen'suve. Tise que'ima in'jamba aqquiatsse ñotsse tsoña'chove ti'tsse in'jan'faja. Ja'ño tiseja ti'tsse'tssia. Tsangae tiseja ti'tsse'tssia tsu. Tsangaeyi.

1 Pedro 5:11

Tiseja tsangae ñotssiapa tsangae osha'choma oshacho. Tsangaeyi.

Hebreo'su 11:27

Nane omboe Moisésja Chigave in'jamba israe aindeccuma angacamba Egipto ande'ye somboen faesu andeni jaye. Egipto'su na'su iyicca'yepa se'pi'ni'qque Moisésja dyombe'yi a'ima somboen. Nane attembi'a'qque Chiga tisei'ccu fae'ngae jacan qquen in'jamba dyombi'tsse a'ima somboemba angacan.

Romanos 16:27

Chigayi tsu injama'pa. ¡Jesucristove in'jamba Chigama ñotsse afa'faja! ¡Tsangae tsa'caen ñotsse afa'faja! Tsangaeyi.

Romanos 11:36

Chigaja osha'chove agattoemba Tise agattoen'choma qquendyaen cuintsu cansepa Chigaja ti'tsse'tssia qquen canjaeñe. Tsangae tsu Tiseja ti'tsse'tssia. Tsangaeyi.

Romanos 2:7

Chigaja in'jan a'ima ti'tsse'tssia've tsoñe. Tiseja in'jan a'ima ñotsse afaye. Toya'caen tsu in'jan cuintsu a'ija pa'masiave dapa tsangae canse'faye. Majan a'ija tsa'caen daye in'jamba opatsse ñotsse tsomba canse'fa. Tsa'caen canse'ninda Chigaja tise'panga afeya cuintsu tsangae canse'faye.

Romanos 1:20

Nane Chigaja atte'masia tsu. Tsa'ma tseyi andema agattointe Chigaja tsangae osha'choma oshapa tsama canjaen Tise agattoen'choi'ccu cuintsu a'i Tisema attembe'yi in'jan'faye. Chigaja Na'supa tsa'caen canjaensi ¿ma'caen tsu a'ija “Ñajan atesumbi” qquenjan su'faya?

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Mateo 25:34

Tsa'caen attufaemba na'su tsu tise tansinfani ccutsu'chondeccuma suya: “Ña Yaya tsu que'inga ñotsse tson. Ji'faja. Jipa Tise que'imbe ñoña'choma isu'faja. Nane andeve agattointene que'i Tise aindeccuve daya'chove in'jamba ñoña'choma jipa isu'faja.

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Daniel 4:37

“Ja'ñojan ña Nabucodonosor gi sefacconi'su Na'suve in'jamba tise ñotssianga iñajan'jen. Nane pa'cco tise tson'cho tsu ñoa'metsse tson'cho; tansintsse tson'cho tsu. Toya'caen tsu osha ‘ñajan ti'tsse'tssi gi’ qquen in'jan'chondeccuma vanaemba ñombi'yeañe.”

Daniel 4:34

“Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Salmos 106:48

¡Na'su Chigama ñotsse afa'faja! ¡Tiseja Israel Na'su tsu! ¡Tsangae tsu tisema ñotsse afa'faya'cho! ¡Ñotssi tsu Na'su Chigaja!

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Salmos 45:1

Ñocca'tssia aya'fa ña injama'cho'ye jangisi ña menzanza'fa'qque injama'pa tevaen'su tevaenqquia'caen afasi gi ¡ña in'jan'choma Na'sunga afaya!

Juan 5:44

A'i “Queja ñotssi” qquen su'choma in'jamba tsa fae'ccoa Chiga “Queja ñotssi” qquen su'choma in'jambi'ta, ¿ma'caen qui que'ija Chigave in'jan'faya?

Romanos 2:10

Tsa'ma majan a'i ñotsse tso'ninda Chigaja tsendeccuma ti'tsse'tssia've tsoña. Tsendeccune tsu ñotsse afaya cuintsu tsangae opatsse canse'faye. Israendeccu tsu o'tie tsa'caen da'faya. Toya'caen israembindeqquia'qque tsa'caen da'faya.

Hebreo'su 2:7

Nane re'riccone qui Quema sefacconi'su shondosundeccuma utu'ccoa've a'ima tson. Tsa'ma tsa'caen tsomba qui tisenga otifaenqquia'caen ñotsse afapa ti'tsse'tssia na'suve tson. Toya'caen Qui tisema ccutsian pa'tssi que agattoen'choma mandaye.