1 Tesalónica'su 4:8 - Cofán: Chiga Tevaen'jen

⁸ Tsa'cansi majan va atesian'choma pañamba chi'ga'ta aqquia a'i su'choma chi'gaya'bi tsu. Ñoa'me Chiga su'choma tsu chi'gaya. Tsa Chigayi tsu inginga afe Tise Qquendya'pama ingi ñotssiave da'faye.

1 Tesalónica'su 4:8 Referans Kwoze

1 Juan 3:24

Poiyi'cco, majan Tise manda'choma paña'da Chigai'ccu can'jen'fa. Ccane'qque Chigaja tise'pai'ccu can'jen. Chiga Qquendya'pa inginga ca'nisi gi atesu'fa Tise ingi injama'choni can'jen'chove.

Lucas 10:16

Majan que'ima paña'da ñama tsu paña'fa. Majan que'ima chi'ga'ta ñama tsu chi'ga'fa. Majan ñama chi'ga'ta ñama moen'su Chiga Quitsama'qque tsu chi'ga'fa.

Juan 12:48

Majan ñama chi'gapa ña aya'fama pañañe in'jambian'da, jin tsu tise injama'choma somboen'su. Ña aya'fa su'cho tsu osefaeña'cho a'ta tise'pa injama'choma somboeña.

1 Samuel 8:7

Tsa'ma Na'su Chigaja Samuel iñajan'choma pañamba su: “Ma'caen tise'pa in'jan'ninda tsa'caen tsonjan. Nane quema chi'gambipa ñoa'me ñama tsu chi'ga'fa. In'jan'fambi tsu ña tise'pama manda'jeye.

2 Pedro 1:21

Nane tayopi'su Chiga Aya'fama afasundeccuja tise'pa in'jan'choma afa'fambi. Tsa'ma Chiga Qquendya'pa tise'pama in'jaensi tsu ñoa'me Chiga Aya'fama afa'fa.

Judas 1:8

Tsama in'jan'ma tsu tsa egae atesiansundeccuja ayoni canseqquia'caen injanga egae tsincomba tisuma daño'fa. Chiga tise'panga manda'choma chi'gapa tsu ti'tsse joccapitssia nasundeccuma'qque afase'fa.

Galacia'su 4:6

Tsa'caen da'fasi Chigaja Tise Dutssi'yembe Qquendya'pama'qque que'i injama'chonga moen. Tsa'caen moensi que'ini can'jemba que'ima in'jaen cuintsu Chigave in'jamba, “Ingi Yaya” qquen su'faye.

1 Corinto'su 7:40

Tsa'ma ccase tsa'caen tsa'ndumbe canse'ta ti'tsse avujatssiya tsu qquen gi in'jan. Chiga Qquendya'pa ñama'qque in'jaen qquen in'jamba gi tsa'caen conda.

Romanos 5:5

Ingija tsa'caen in'jamba ronda'jepa gi ñombi'ye'faya'bi. Nane Chigaja Tise Qquendya'pama inginga afe cuintsu ingi'qque Tisia'caen injama'choni ñotsse in'jan'faye.

1 Pedro 1:12

Tsa'ma Chiga tise'pama in'jaensi tsu atesu'fa tise'pa afa'chomajan tise'pa can'jeinte tson'faya'bi. Tsa'ma ingi can'jeinte tsu tson'faya'cho. Tayoe tise'panga condaqquia'cañi tsu ja'ño que'inga condase'cho'qque. Nane Chigaja Tise Qquendya'pama sefaccone moemba a'ima in'jaen cuintsu Tise a'ima ccushaeña'chone ñotsse condase'choma que'inga condase'faye. Chigama sefacconi'su shondosundeccu'qque tsesuma atesumbipa atesuye in'jan'fa.

1 Corinto'su 2:10

Tsa'ma Tise Qquendya'pa fuitesi Chigaja tsane inginga conda. Nane Chiga Qquendya'pa osha'choma atesupa Chiga in'jan'chove'qque atesupa conda.

Tson'fa'cho 13:41

Que can'faja afasesundeccu. Can'boen ccutsupa pa'faja. Ña Chiga gi que'i canseite ccaningae tsoña. Tsa'caen tsonsi qui in'jan'faya'bi cca'i que'inga condase'ni'qque.

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Éxodo 16:8

Toya'caen tsu Moisésja su: —Sime tsu Na'su Chigaja aña'choma afeya que'i an'faye. Toya'caen tu'i sinte tsu panma tsain'bitsse afeya. Nane tayo tsu paña que'i tisema afase'choma. Ñoa'me ingitsse tson'su'fambi gi. Que'ita qui ingima afase'fambi. Tsa'ma Na'su Chigama qui afase'fa.

2 Corinto'su 1:22

poiyi'ccoma “Tisumbe” qquen supa Tise Qquendya'pama ingi injama'chonga ca'nian cuintsu atesupa in'jan'faye. Qquendya'pama afesi tsa Qquendya'pa tsu jai'ngae afeya'chone'qque inginga canjaen.