1 Samuel 31:4 - Cofán: Chiga Tevaen'jen

⁴ Desi Saúlja paye tson'jemba tisema shondo'su sundaroma manda: —Que matichima isupa ñama quiccu po'taenjan ña junde paye. Tsambi'ta va Chigave in'jambindeqquia tsu jipa ñama fi'ttipa ñai'ccu co'fe'faya. Tsa'ma tisema shondo'su sundaro dyojopa in'jambisi Saúlja tisu matichima isupa tsanga amppi cuintsu tisenga depa po'taye.

1 Samuel 31:4 Referans Kwoze

1 Samuel 17:36

Tsa'caen gi ña quema shondo'suja ttesi toya'caen oncomarima'qque fi'tti'je. Nane tsa'caen gi tsoña va Chigave in'jambi'choa filisteoma, tise joccapitssia qquen in'jamba Tsangae Canse'su Chigambe sundarondeccuma afase'chone.

1 Samuel 17:26

Tsonsi Davidja tisei'ccu pporotsse ccutsundeccuma iñajampaña: —¿Jongoesuma tsu afe'faya majan va filisteoma fi'ttipa israendeccu shacama ccucha'nija? ¿Majan gi qquen tsu in'jan va Chigave in'jambi'choaja? Nane tiseja joccapitssia qquen in'jamba tsu Tsangae Canse'su Chigambe sundarondeccuma afase.

Jueces 14:3

Pañamba tise yaya tise mama'qque su'fa: —¿Que antiandeccu'suta ti ñotssia pushesuta jimbi? ¿Israendeccu'su ñotssia pushesuta ti jimbi? ¿Jongoesie qui Chigave in'jambi'choa filisteondeccu'su pushesuma pusheye in'jan? Tsa'ma Sansónjan tise yayama su: —Tsa pushesu tsu ñoa'me ña in'jan'cho. Tisema gi tisu pusheve in'jan.

1 Samuel 31:5

Tsa'caen pasi tisema shondo'suja attepa tise'qque tisu matichima isupa tsanga amppi Saúli'ccu fae'ngae paye.

1 Reyes 16:18

Ji'fasi Zimrija “Tayo canqquema patsu'fa” qquen in'jamba na'su tsa'o enttinge'su cuartonga ca'nimba si'ngema setsaen pa'cco na'su tsa'oma oque catiye. Tsa'o tsa'caen ju'rusi tise'qque pa.