1 Samuel 3:19 - Cofán: Chiga Tevaen'jen

¹⁹ Samuel coenjinsi Na'su Chigaja tisema fuite'je. Toya'caen pa'cco tise su'choma tson.

1 Samuel 3:19 Referans Kwoze

Génesis 39:2

Tsa'ma Na'su Chiga Joséi'ccu can'jensi tisema chava'su Egipto'sumbe tsaoni can'jen'an'qque ñotsse'yi can'jen.

1 Reyes 8:56

“¡Na'su Chiga tsu ñotssia! ¡Tise tayoe suqquia'caen ja'ño anttesi tsu tise israe'su aindeccuja ppimppintsse canse'fa! Nane osha'cho tise tayopi'su Moisési'ccu inginga ñoa'me tsoña'chone condase'choma tsu tiseja ja'ño pa'ccoma nanitsse tson.

Lucas 2:52

Jesúsja ti'tsse coemba osha'choma atesu. Poi a'i tisema ñotsse in'jan'fa. Chiga Quitsa'qque tisema ñotsse in'jan.

2 Timoteoga 4:22

In'jan gi cuintsu Na'su Jesús que injama'choni can'jeñe; toya'caen cuintsu Chiga Quitsa'qque quema ñotsse tsoñe. Tsangaeyi.

2 Corinto'su 13:11

Tsangaeyi gi que'ima chigambiamba antte. Avujatssi'faja. Cristove ti'tsse in'jamba tise in'janqquia'caen canse'faja. Ña tevaen'jema ñotsse camba ñoqui'faja. Tisupaporai'ccu fae'ngae injanccopa opatsse canse'faja. Chigaja ñotsse tsu injancho. Poiyi'cco opatsse canse'faye tsu in'jan. Tsa'caen in'jansi que'i tsa'caen canse'fa'ninda tsu Tise'qque que'i'ccu can'jeña.

Lucas 2:40

Du'shu Jesús coenjimba quinsetssia've da. Chiga tisema ñotsse in'jansi osha'choma atesupa in'jan.

2 Corinto'su 13:14

In'jan gi cuintsu Na'su Jesucristo que'ima ñotsse tsoñe. Toya'caen gi in'jan cuintsu Chiga Quitsa que'ima ñotsse in'jañe. Toya'caen cuintsu Chiga Qquendya'pa que'ini canseye. Tsangaeyi.

Lucas 1:80

Du'shu Juan Chigave in'jamba coen. Tayo coemba a'i menia japa bo'tsse tseni can'jen. Nane tise israendeccuma candusiaña'cho napiya'ngae tseni ro'ndá can'jen.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Génesis 21:22

Tsa'caen tsonsi Abimelec, tise sundaro na'su, Ficoli'ccu Abrahamni can'su jipa tisema chigambiamba su: —Chiga quema fuite'je'choma gi poiyi'cco in'jan'fa.

Lucas 1:28

Gabrielja jipa Maríama ttu'sepa su: —¡María! Que qui Chiga in'jan'cho. Chigaja quei'ccu can'jen.

Jueces 13:24

Omboe pushesuja tsandie du'shuve isupa tisema inisian Sansónme. Tsa coenjinsi Na'suja tisema ñotsse tson'jen.

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Génesis 39:3

Nane tise na'suja Na'su Chiga Joséni can'jensi pa'cco José tson'cho ñotsse sombosi atte.

2 Reyes 22:16

ña Na'su gi qquen su'choma conda: Va aindeccuma, va canqquema'qque gi ñoa'me vanaeña. Nane osha'cho tsa tevaen'jenga Judá na'su camba afaqquia'caen gi vandeccunga tsoña.

Isaías 55:11

Tsa'canqquia'caen ña Aya'fama injanga afambi gi. Tsa'cansi tsu ña in'janqquia'caen tsomba ña mandaqquia'caen tsoña.