1 Samuel 17:43 - Cofán: Chiga Tevaen'jen

⁴³ qquen su: —¿Ñanda ti gi ain? ¿Jongoesie qui tsa'caen quini'ccoi'ccu ñama ochhaiye ji? Tse'faei'ccuyi Davidma afaseye ashaen. Nane tisu chigama'qque iñajan Davidma egae tsoñe.

1 Samuel 17:43 Referans Kwoze

Proverbios 26:2

Chhiriria qque'cho, ppuppuju'cho tsao'pa me'choa injanga iyu'ña'qquia'caen tsu faesuma injanga afase'choja barembi.

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Números 22:6

Jundeyi jipa ñane tsendeccuma dañomba qqueñajan. Nane tsendeccu tsu ingima ti'tsse oshacho'fa. ¿Isha gi que tsa'caen tson'ninda ñajan tise'pama patsupa ña ande'ye tteya moeña'bi? Ñanda gi atesu que tsa'caen daya'cho qquen su'ninda ñoa'me tsa'caen da'choma. Nane ñotsse afa'ninda ñotsse tsu somboya; egae afa'ninda egae tsu somboya.”