1 Samuel 1:28 - Cofán: Chiga Tevaen'jen

²⁸ Tsa'caen afesi gi ccane'qque tisema Na'su Chiganga afe cuintsu paya'ngae tisema shondoye. Elíja tsama pañamba puntssamba Chigama iñajan.

1 Samuel 1:28 Referans Kwoze

Génesis 24:26

Tsa'caen susi shondo'suja ccaru dyaipa Na'su Chigama iñajan

Génesis 24:52

Tsa'caen su'fasi pañamba Abrahamma shondo'suja ccaru dyaipa andenga puntssan ccui, Na'su Chigama ñotsse afaye.

2 Timoteoga 3:15

Toya chuite qui Chiga Tevaen'jema paña'je'an. Nane tsa Chiga Tevaen'jen tsu quema in'jaeñe osha cuintsu que atesupa Jesucristove in'jamba ccushaye.

1 Samuel 1:11

Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”

Génesis 24:48

Afepa gi ccaru dyaipa Na'su Chigama iñajan. Nane ña na'su Abraham Na'su Chiga Quitsama gi ñotsse afa tise ñama isi tansintsse ña na'su antiandeccunga jipa tsa'su pushesuma tise dutssi'yembe angaya'pa.

1 Samuel 1:22

Tsa'ma Anajan jambe shanda tise tsa'ndunga qquen supa: —Du'shu toya chochoma anttembichoa'ma angaya'bi gi. Tsa'ma chochoma anttesi gi Chigai'ccu cachuicco'je'ttinga angapa tseni tisema antteye cuintsu tsangae Na'su Chigama shondo'suve daye.

1 Samuel 2:11

Settapoen nanimba tise tsa'ndu Elcanai'ccu toequi Ramá canqqueni ja'fa tise'pa tsaoni. Tsa'ma du'shuja Na'su Chigama shondoye shanda, Chigama afa'su na'su Elíma pañamba.

Jueces 7:15

Gedeónjan jongoesune ayo'ochove conda'choma pañamba avujatsse Na'su Chigama afa. Toequi Israel sundarondeccu can'jeni japa qquen su: —¡Jangi'faja! ¡Ñoa'me tsu Na'su Chigaja antte ingi madiandeccuma patsu'faya'chove!