1 Samuel 1:2 - Cofán: Chiga Tevaen'jen

² Elcanajan dos pusheve an'bian. Fae'cco tsu Ana; faesu tsu Penina. Tsa Peninajan du'shupa. Tsa'ma Anajan du'shu me'cho canse.

1 Samuel 1:2 Referans Kwoze

Lucas 1:7

Elisabetja du'shuve isumbe'yi coenza ccasheve da. Zacarías'qque ccashe'ye.

Mateo 19:8

Jesús pañamba su: —Nane que'i injama'cho shacasi tsu Moisésja tsa'caen que'ima manda antte que'i pushema cati'faye. Tsa'ma tseyi me'ttia'ye ande meinte tsu tsa'caen anttembi.

Jueces 13:2

Zora canqqueni tsu israe'su Dan aindeccu'su tsandieja can'jen. Tise iniseja Manoa. Manoa pusheja dusumbipa du'shu me'cho canse.

Génesis 29:31

Na'su Chigaja Jacob Leama chi'ga'choma attepa tisenga tson cuintsu du'shuma isuya'chove. Tsa'ma Raquelmajan dusumbive tson.

Génesis 25:21

Rebeca du'shuma isuye oshambisi Isaacja Na'su Chigama iñajan tise pushene. Iñajan'choma Chigaja pañasi Rebecaja surie da.

Génesis 4:23

Fae a'ta Lamecja tise dos pushendeccuma ttu'sepa su: “Ada, toya'caen Zila, que'ima gi pushe. Ña su'choma ñotsse paña'faja. Tsandie ñama iñaccaensi gi tisema fi'tti. Nane tsa chu'a tsandie ñama tssaisi gi tisema fi'tti.

Lucas 2:36

Toya'caen Chiga Aya'fama afa'su pushesuja Chiga ettini can'jen. Aser aindeccu'su Fanuel onque'nge tsu. Tise iniseja Ana. Tiseja ñoa'me ccashe, ochenta y cuatro canqque'fave tsu an'bian. Tseyi coemba tsa'ndupa siete canqque'fave can'jensi tise tsa'nduja pa. Tsa'caen pan'jaemba ja'ñojan Chiga ettini can'jen. Ni sombombi. Tsa'ma a'ta, cose'qque tseni can'jemba Chigama iñajan'jen. Maqui a'taja ambe'yi Chigama iñaján canse.

Génesis 4:19

Lamecja dos pusheve tsu pushe. Fae'ccombe iniseja Adave. Faesuja Zila.

Génesis 11:30

Saraija du'shuve isuye oshambipa du'shuve me'cco canse.