1 Reyes 9:3 - Cofán: Chiga Tevaen'jen

³ Tisenga attiamba su: “Que ñama iñajamba afa'choma gi tayo paña. Ñoa'me gi va ñama iñajan'jen'cho ettima in'jan. Va que ñambe tsao'ña'choni tsu tsangae ña iniseja can'jeña. Tsangae gi tsama coira'jepa tseni ronda'jeya.

1 Reyes 9:3 Referans Kwoze

1 Juan 5:14

Tsa'camba gi dyombi'tsse Chigama iñajañe osha'fa. Atesu'fa gi jongoesuve Tise in'janqquia'caen in'jamba afa'nijan Tiseja pañaña.

1 Reyes 8:29

Anttembe'yi va ettima caña'jenjan a'ta cose'qque. Nane queja vani can'jeña qquen su'ta ñotsse pañajan ña quema shondo'su vani ccutsupa iñajan'choma.

Tson'fa'cho 10:31

Tsa tsu ñama su: “Cornelio, Chiga Quitsa tsu ñotsse pañamba in'jan que iñajan'choma. Ñotsse tsu attepa in'jan que ñotsse se'pimbe'yi mendeqquianga afe'choma.

Mateo 6:9

Tsa'cansi tsu qquen Chigama iñajaña'cho: Sefacconi Canjen'su Na'su, ingi Quitsa, Que qui ñoa'me joccapitssia. Que inise tsu egave metssipa ti'tsse'tssia.

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Números 16:38

Nane tsa oqueye'chondeccuja egae tsomba tsa'caen pa'fa. Tsa'ma tise'pa ñome'bama oque'je'choja ñanga afe'je'chopa tsu toya ñane'jan ñotssi. Tsa'cansi tsama isupa Chiganga afeye oque'je'choma oppoen'jeña'chove ñoña'faja. Tsa'caen ñoñamba oppoen'faja cuintsu israendeccu tsa ju'ru'choma injan'jen'faye.”

Juan 11:42

Ñajan atesu gi Que ñama paña'jen'choma. Tsa'ma qquen gi Quene ñotsse afa'je cuintsu vani can'jensundeccu pañamba in'jañe Que ñama moen'chove.

Salmos 34:17

Nane Na'suve in'jamba paña'su ttu'sesi junde tsu Na'suja tisema pañamba pa'cco vana'jen'cho'ye tisema ccushaeña.

Jeremías 7:10

Tsa'caen tsomba qui va ña ettinga ji'fa ñame tta'ttaye. Dyombi'tsse vani ji'jeye qquen qui in'jan'fa. Nane tsa'caen ña in'jambi'choa've tsincomba toya dyombi'tsse ji'jeye qquen qui in'jan'fa.