1 Reyes 10:2 - Cofán: Chiga Tevaen'jen

² Jipa tsu Jerusaléni nepi tsain'bio anduqque'su cameyoi'ccu. Nane cameyo tsu ñome'ba, tsain'bio cori, toya'caen bare'cho patuma'qque andupa i'fa. Tsa'caen jipa Salomóni'ccu condasepa pa'cco tisu in'jan'choma tisema iñajampaña.

1 Reyes 10:2 Referans Kwoze

Tson'fa'cho 25:23

Ccaqui a'ta Na'su Agripaja Berenicei'ccu jiji'fa. Nane ñoa'me pa'tsutsse ondiccupa osha'cho na'su jinchoqque'suma attiamba na'suma paña'jen'cho ettinga jiña'fa. Poiyi'cco sundaro nasundeccu, canqque nasundeccu'qque tsu fae'ngae jiña'fa. Tsa'caen ji'fasi Festoja Pabloma iye manda.

Lucas 24:15

Tsa'caen condase'je'fasi Jesúsja catsepa fae'ngae jayi.

Job 4:2

¿Ña quema iñajampañasi iyicca'yeya'bi ti qui? Nane oshambi gi afambe dyaiye.

2 Reyes 5:9

Tsa'caen ttu'sesi Naamánjan pa'cco caro, cavayondeccui'ccu Eliseo tsaoni japa tsotefani ccutsu.

2 Reyes 5:5

Na'suja pañamba su: —Ñotssi tsu. Ña gi tevaen'jema tevaemba moeña Israel na'sunga. Tsonsi Naamánjan tevaen'jema isupa Israel andeni ja. Osha'choma tsu anga tise ccushaeña'chove afeye. Nane treinta mil corifin'di, faesu seis mil ñoa'me cori corifin'di, toya'caen diez ñotssia ondiccu'je na'su fiestanga ondiccuqque'suma'qque anga afeya'chove.

1 Reyes 10:10

Tsa'caen na'su Salomóni'ccu condasepa tsu tisenga corima afe tres mil noveciento sesenta kilove. Toya'caen tsu tsain'bio bare'cho ñome'ba, bare'cho patuma'qque afe. Nane minguite'qque tsu tsa'cantssi ñome'ba ccase jimbi Seba ande'su na'su pushesu na'su Salomónga afeqquia'caen.

Éxodo 25:6

tuñoma setsaenqque'su yayapa, Chigambe qquen canjaeñe yayapaenqque'suve toya'caen oque oraenqque'suve ñoñañe ño'metssia ñome'ba,

Génesis 18:33

Na'suja tsa'caen Abrahami'ccu afa nanimba ja. Abraham'qque toequi tise carpa tsaoni shanda.

1 Reyes 10:3

Tsa'caen iñajampañasi pa'cco in'jan'choma tansintsse conda. Nane me'i'on tsu panshaen aiye'pasi tise condaye oshambi'choa've.