1 Pedro 3:10 - Cofán: Chiga Tevaen'jen

¹⁰ Chiga Tevaen'jenjan su: Majan bo'tsse avujatsse canseye in'jan'da tsu egae afambecaña'cho. Nane tisu aya'fai'ccu afopoembe tsu caña'cho.

1 Pedro 3:10 Referans Kwoze

Santiago 1:26

Majan a'i: “Ña gi Chiga a'i” qquen supa tsa'ma tise aya'fai'ccu injanga afa'ta, tisuveyi afopoensi tise Chiga a'i qquen attian'choja barembi.

1 Pedro 2:22

Tiseja mingavieyi'qque egae tsincombi ni majameñi'qque afopoembi.

1 Pedro 2:1

Tsa'cansi pa'cco osha'cho egae in'jan'choma antte'faja. Afopoen'fajama. Injanga ño'a'caen attian'fajama. Injama'choni faesuma se'pipa iyicca'ye'fajama. Ayafanasia'caen afase'fajama.

Canjaen'cho 14:5

Afopoembe'yi tsu canse'fa. Nane Chiganga ccutsupa egae tsincon'chove mecho'fa.

Juan 1:47

Natanael catsesi Jesúsja tisema attepa su: —Que canjan: Vaja ñotssia israe'su. Ñoa'me afopoen'masia tsu.

Juan 12:25

Majan a'i tisuma in'jan'da tsu tisuma qqueñaña. Tsa'ma majan a'i tisu vani canse'choma chi'ga'ta tisuma an'bianqquia'caen tsu tsangae canseya.

Proverbios 3:2

Tsa'caen tsomba qui bo'tsse cansepa poi a'ta avujatsse can'jeña.

Mateo 19:17

Jesús tisema su: —¿Jongoesie qui ñamajan ñotssia qquen inisian? Fae'ccoyi tsu ñotssia. Chiga Quitsayi tsu. Tsa'ma queja tsangae canseye in'jan'da manda'choma pañamba tsoña'cho.

Proverbios 3:18

Atesupa in'jan'choma tta'ttapa atte'ta ñoa'me canseya'cho. ¡Attepa an'bian'da ñoa'me avujatssiya'cho!

Marcos 8:35

Majan tisuma ccushaeñe in'jamba pa'ta catiyeya'cho. Tsa'ma majan ñame in'jamba ña ñotsse condase'choma in'jamba pa'ta tsata tsu ñoa'me ccushaya.

Salmos 49:19

paya'cho a'ta tsu jai'ngae nepiya. Tsequi a'ta nepisi ccatsse a'tatssia'ma atteya'bi.

Salmos 106:5

cuintsu ña'qque que in'jan'chondeccui'ccu ñotsse can'jemba que aindeccui'ccu avujatssiye. Nane quene isusundeccui'ccu gi fae'ngae quema ñotsse afaya.

Job 2:4

Tsa'ma Satanajan su: —A'i ai'voma pporaembian'da toya tsu ñotsse injan'jen. Nane a'i tsu osha'choma catiya'cho tisuma ccushaeñe.