1 Pedro 2:8 - Cofán: Chiga Tevaen'jen

⁸ Toya'caen cca'ttinga Chiga Tevaen'jenjan su: Tiseja zuccopanshan amppianqque'su patiaca'on tsu. A'ija patu'ye amppiqquia'caen tsu tise'ye qque'faya. Nane tsendeccuja Chiga Aya'fama paña'ma in'jambipa tsu tsa'caen qque'fa. Tsa'caen tsu Chigaja toyi'te tise'pane in'jan.

1 Pedro 2:8 Referans Kwoze

1 Corinto'su 1:23

Tsa'ma ingi Cristo avuja'cconga pa'chone candusiansi israendeccu pañamba ansange'fa. Israembindeqquia'qque “injiengembitssia” qquen su'fa.

1 Pedro 2:7

Que'i tise've in'jan'chondeccune tsa patuja tsain'bitsse bare. Tsa'ma tise've in'jambindeqquiane qquen tsu Chiga Tevaen'jenjan su: Tsaoñasundeccu joqquitssian'cho patu tsu tsa'o chan'jime ccutsiaña'chove da.

Romanos 9:22

Chiga a'ima tsa'caen tson'jen'ninda ¿jongoesie qui iyicca'ye'fa? A'ija apiacan'fa tsu. Tayopi Chigaja majama mende'yepa in'jan cuintsu ñotssiave tsoñe. Tsa'ma cca'indeccuja egae tsincomba Chiganga catiyeya'chondeccu tsu. Chigaja osha'choma oshachopa tsendeccuma iyicca'ye'ta tise'pa injama'choma somboeñe in'jan. Tsa'ma iyu'umbe'yi ronda'je Tise joccapitssia'ma Tise in'jan'chondeccunga canjaeñe. Chiga tsa'caen mende'yepa ronda'je'ninda ¿jongoesie qui se'pi'fa?

Judas 1:4

Majandeccuta tsu ja'ño, atesuyembe'yi, afopoemba que'i bo'je'chonga ca'ni'fa. Tsendeccune tsu tayopi'su tevaen'jenjan condase, ma'caen tise'pa jai'ngae catiyeya'choma. Tsa'ma, ja'ño, tise'paja que'ima qqueñá qquen tson'jen'fa, qquen supa: “Jesús ingi egae tsincon'choma aqquepoen'jensi, jinge aqquia injanga canse'faya.” Toya'caen tsu su'fa: “Jesúsja ñoa'me Chigambipa ingi Na'sumbi.”

2 Pedro 2:3

Afopa'cho atesiansundeccuja panshaen osha'choma in'jamba que'ima afopoemba daño'faya tisupa ganañe. Bo'tsse Chigaja ronda'je tise'pa injama'choma somboeñe. Tsa'ma ja'ño tise'pama catiya'chove tayo ñoñasi ca'tsa napiji.

1 Tesalónica'su 5:9

Nane Chigaja catiya'chove ingima ttu'sembi. Tsa'ma ingima in'jamba tsu ttu'se cuintsu Jesucristo ingi Na'su ingima ccushaeñe.

Lucas 2:34

Tsonsi Simeón tise'pama ñotsse afapa du'shumbe chan Maríama su: —¡Que canjan! Va du'shuve in'jambi'ta tsain'bio israendeccu tsu qque'faya. Tsa'ma cca'indeccuja tise've in'jamba ti'tsse'tssia've dapa tsu avuja'faya. Aindeccu tisema afase'fasi

2 Corinto'su 2:16

Pañambipa qqueya'chondeccunga gi tssu'jutssi'fa tise'pa tsangae paya'chone canjaemba. Tsa'ma pañamba ccushaya'chondeccunga gi ño'metssi'fa tise'pa tsangae canseya'chone canjaemba. ¿Osha'fa ti gi tsa'caen Cristone canjaeñe? Ju, osha'fa gi.

Éxodo 9:16

Tsa'ma tsa'caen tsoñe in'jambipa gi antte cuintsu que'i toya cansepa ña oshacho'choma attepa vana'jensi poi ande'su aindeccu pañamba ñajan osha'choma oshacho qquen in'jan'faye.

Galacia'su 5:11

Faengasundeccu, majan afopa'cho tsu su'fa ñajan toya manda'cho mandaqquia'caen chhiyitevaemba ccushaya'chone candusian. Tsa'caen toya candusian'jen'ninda ¿ma'caen tsu ñama noñangian'fa? Ña tsa'caen candusian'choecan'da tsendeccuja iyicca'ye'fambiye'can tsu. Ni Jesús avuja'cconga ingi egae tsincon'choma joqquitssian'chone'qque tsu zucco'fambiye'can.

1 Pedro 2:6

Tsa'cansi tsu Chiga Tevaen'jen'qque su: Zión canqqueni gi a'ima ccutsian. Tsa'o chan'jime ccutsian'cho patiacaen ti'tsse'tssia tsu. Ñoa'me ñotsse attiansi gi tisema in'jamba isu. Tise've in'jan'chondeccuja ñoquimbi'faya'bi tsu.