1 Pedro 2:2 - Cofán: Chiga Tevaen'jen

^2-3 Na'su Chigaja ñotssia tsu, qquen atesu'ta, du'shu aipano chochoye ti'tsse in'janqquia'caen Chiga ñotssia quiñaenqque'su Aya'fama in'jan'faja tisu coemba ccushaye.

1 Pedro 2:2 Referans Kwoze

Efeso'su 4:15

Tsa'ma du'shua'caen cansembipa gi tisupapora ñotsse in'jamba tansintsse afa'je'fa. Coenqquia'caen gi Jesucristonga ma'depa tisia'caen ti'tsse da'faya'cho. Ingi tsove'can tsu Cristoja.

2 Pedro 3:18

Tsa'ma bove ñotsse atesu'faja Na'su Jesucristo, ingima ccushaen'suve. Tise que'ima in'jamba aqquiatsse ñotsse tsoña'chove ti'tsse in'jan'faja. Ja'ño tiseja ti'tsse'tssia. Tsangae tiseja ti'tsse'tssia tsu. Tsangaeyi.

Marcos 10:15

Nane ñoa'me gi su, majan ñame in'jambipa va dushundeqquia'cambija osha'faya'bi tsu Chiga sefacconi ca'niñe.

1 Corinto'su 14:20

Faengasundeccu, chu'a'caen asi'ttaen'fajama. Nane aipano egae tsincoñe atesumbiqquia'caen canse'faja. Tsa'ma coenzave dapa tsu ñotsse asi'ttaemba in'jan'faya'cho.

2 Tesalónica'su 1:3

Faengasundeccu, ja'ñojan que'ine gi Chiganga avujatsse afa'je'fa. Tsa'caen tsoñe tsu ñotssi, que'i ti'tsse Chigave injan'ñaccapa poiyi'cco tisupapora ti'tsse injancco'fasi.

Mateo 18:3

Tisema ccutsiamba shondosundeccuma su: —Ñoa'me gi que'ima su: Va du'shua'caen da'ta qui Chigama na'sian'cho a'ive da'faya. Tsambi'ta joccapitssia've daye in'jan'da ni ca'ni'faya'bi qui.

Efeso'su 2:21

Tisei'ccu tsu osha'choma fae'ngae ñotsse ñoñamba ti'tsse atapa'fa. Tsa'caen ti'tsse atapapa tsu Na'su Chigama iñajan'jen'ttive da'fa.

Romanos 6:4

Nane ingija tsa'ccui'ccu fetiyepa gi Cristoi'ccu fae'ngae papa a'tuyeqquia'caen canjaen'fa. Cristo pasi Chiga Quitsaja osha'choma oshachopa tisema ccase qquendyaen. Tisei'ccu tsu ingima'qque qquendyaen cuintsu cuna a'ive dapa tsa'caen canse'faye.

Oseas 6:3

¡Jinge quin'tsse tta'tta'faye Na'suma atesuye! Nane coejechiga pasambi'tsse sinte sombo'jeqquia'caen tsu Na'suja ñoa'metsse jiya. Unjin sanfani toya'caen coejefani tuiye ashaenqquia'caen tsu tiseja ñoa'metsse jiya.

1 Pedro 1:23

Nane que'ija cuname isu'choa'caen qui canse'fa. Ai'voye isu'choja paya. Tsa'ma Chiga Aya'fa isu'choja ñoa'me cansepa tsangae tsu jinchoya.

Mateo 19:14

Jesús attepa su: —Antte'faja cuintsu dushundeccu ñanga ji'faye. Se'pimbe can'faja. Nane Chigama na'sian'cho aindeccuja va dushundeqquia'caen ñame in'jamba ji'fa.

Lucas 18:17

Ñoa'me gi su: Va dushundeccuja ñame in'jan'fa. Majan tise'pa'caen ñame in'jan'da Chiga aindeccuve dapa Chigama paña'faya. Tsa'ma majan ñame in'jambi'ta ca'ni'faya'bi Chigai'ccu tsangae canseye.