1 Juan 2:9 - Cofán: Chiga Tevaen'jen

⁹ Majan a'tatssiani can'jen qquen supa, tise faenga'suma chi'ga'ta, toyayi tsu sinttia'ni can'jen.

1 Juan 2:9 Referans Kwoze

1 Juan 4:20

Tsa'ma majan “Ña gi Chigama ñotsse in'jan” qquen supa toyayi faenga'suma chi'ga'ta ñoa'me afopa'cho tsu. Nane faenga'suma atte'ma chi'ga'ta, Chigamajan attecan tsu ñotsse in'jaña.

1 Juan 2:11

Tsa'ma majan tise faenga'suma chi'ga'ta binie daqquia'caen sinttia'ye jacamba canse. Nane mani jaya'chove atteye oshambi.

Salmos 82:5

Tsa'ma que'ija ñoa'me atesumbipa injama'choni in'jambipa sinttia'ni jacanqquia'caen injanga canse'fa. Nane dyaiña'cho congonsi tsa'o osuiqquia'caen qui aindeccuma da'ño'fa.

2 Pedro 1:9

Tsa'ma majan tsa'caen dambi'ta binia'can'fa tsu. Nane tayo tsu aqque'pa'fa tise'pa tayo'su egae jinchopa canse'choma joqquitssian'choma.

1 Juan 2:4

Tsa'ma majan “Ñajan Jesúsma atesu'cho,” qquen supa tise manda'choma pañambi'ta tsaja ñoa'me'qque afopa'cho tsu, tansintsse afambi'choa.

1 Juan 1:6

Tsa'cansi gi “Tisei'ccu fae'ngae jincho'fa” qquen su'a'qque toya sinttia'ye jacamba aqquia afopoen'fa. Nane tise ñoa'me su'chove pañambe'yi gi canse'fa.

Juan 9:41

Jesúsja su: —Binia'caen atesumbiecan'da qui shacapa'fambiye'can que'i egae tsincon'chone. Tsa'ma “Atesu gi” qquen supa qui binia'caen shacapa'fa.

Levítico 19:17

“Que injama'choni tisu faenga'suma chi'gajama. “Tisupapora egae tsinconsi atte'ta tisema tansintsse condaja fuiteya'chove. Tsambi'ta que'qque qui tisia'caen shacapaya.

Tson'fa'cho 1:15

Tsa'caen boyaqui a'ta ciento veinteqquia'ca'on a'i bo'fasi Pedroja faengasundeccu enttingenga ccutsupa su:

1 Juan 3:10

Qquen tsu atesuya'cho majan Chiga a'ima; majan cocoya na'su a'ima'qque: Nane majan a'i ñotsse jinchombi'ta, Chigambembi tsu. Majan tise faenga'suma chi'ga'ta, tsa'qque Chigambembi tsu.