1 Corinto'su 15:34 - Cofán: Chiga Tevaen'jen

³⁴ Ccusiqquia'caen tsincombe'yi ñotsse in'jan'faja. Ti'tsse egae tsincon'fajama. Nane majan que'i'suja toya Chigama atesu'fambi. Ñajan que'ima ansangiañe gi iyu'u.

1 Corinto'su 15:34 Referans Kwoze

1 Corinto'su 6:5

Qquen gi su que'ima ansangiañe. ¿Jimbi ti que'i'su fae a'i injama'pa majan, faengasundeccu iyiccosi, ñotsse tansiañe afa'suja?

Romanos 13:11

Ingi ja'ño can'jeinte'su tson'jen'choma ñotsse atesu'faja. Anambe'yi qquendyaqquia'caen injama'choi'ccu in'jamba osha'choma atesupa canse'faja. Nane Jesucristove in'jamba gi ingima ccushaeña'choma ronda'je'fa. Tsa'ma ingima ccushaeña'choja pan tsu napiji.

Efeso'su 5:14

Tsa'cansi tsu su'fa: ¡Qquendyaja ana'su! Pa'cho'ye qquendyapa canseja. Cristo tsu quenga attiaña.

1 Corinto'su 8:7

Tsa'ma poiyi'cco Cristove in'jan'chondeccu vama atesu'fambi. Majan a'i tayoe ñoña'cho chiga'ca'me in'jamba ja'ño ñoña'cho chiganga afe'cho aña'choma an'jemba tisupa injama'cho tsu qque'fa. Toya tsa ñoña'cho chiga ñoa'me canse qquen in'jamba tsu amba qque'fa. Tsa'caen tise'pa injama'cho toya shacasi amba egae tsincon qquen tsu in'jan'fa.

Romanos 1:28

Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.

Juan 8:11

Tiseja su: —Na'su, majañi'qque me'i'fa tsu. Tsonsi Jesúsja su: —Ña'qque que injama'choma somboeña'bi gi. Ja'ño jaja. Japa ccatsse egae tsinconjama.

Juan 5:14

Tsa'ma omboe Jesúsja ccusha'choma Chiga ettini attepa su: —Que canjan. Tayo ccushapa ti'tsse egae tsinconjama bove dapa vanasa'ne.

Jonás 1:6

Tsonsi na'su capitánjan Jonás ana'jen'choma in'jamba japa qquen su: —¿Mi'nge'e qui ana'jen anafasi? ¡Jangipa que Chigama iñajanjan cuintsu ingima in'janda ccushaeñe!

1 Tesalónica'su 4:5

Toya'caen Chigama atesumbindeqquia in'janqquia'caen tsincon'fajama injama'choni egae in'jamba.

Mateo 22:29

Pañamba Jesús tise'pama su: —Que'ija Chiga Tevaen'jema ñotsse atesumbipa qui tsa'caen qque'fa. Toya'caen Chiga osha'choma oshachosi qui tsama'qque atesumbipa qque'fa.

Tson'fa'cho 26:8

¿Ma'camba qui que'ija in'jan'fambi Chiga pa'chondeccuma ccase qquendyaeña'chone?

1 Corinto'su 4:14

Ñajan vama tevaembi que'ima ansangiañe. Tsa'ma yaya tise in'jan'cho du'shuma nafattiañe in'janqquia'caen que'ima nafattiañe gi tevaen.