1 Corinto'su 10:9 - Cofán: Chiga Tevaen'jen

⁹ Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.

1 Corinto'su 10:9 Referans Kwoze

Salmos 78:18

Iyicca'yepa Chigama atesucañe in'jamba dyombi'tsse tise'pa in'jan'cho anqque'suve iñajan'fa.

Éxodo 17:7

tsa'caen tsomba tse'ttima Meriba qquen inisian. Nane israendeccu afacco'fattisi tsa'caen inisian. Toya'caen Masah qquen inisian, israendeccu Chigama noñangiamba'ttisi. Nane noñangiancamba tsu qquen su'fa: “¿Can'jen miconde Na'su Chigaja ingi'ccu? ¿Tsambi'ta me'in?”

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Salmos 78:56

Tsa'ma ccase injanga tson'jen'fa Chiga tsoña'chove atesuye. Joccapitssia Chigama pañambipa tise'pa in'janqquia'caen tson'fa. Na'su manda'choma chi'gapa tsa'caen tson'fambi.

Deuteronomio 6:16

Qqueñacan qquen tson'fajama Na'su que'i Chigama Masahni can'jemba tson'faqquia'caen.

Salmos 106:14

Tseni, a'i menia tisupayi can'jemba tise'pa in'jangae in'jan'chove iñajamba Chigama qqueñacañe iñajan'fa.

Salmos 95:9

Nane que'i tayopi'su coenzandeccuja ña ñotsse tson'choma atte'ma ñama noñangian'fa.