1 Corinto'su 1:28 - Cofán: Chiga Tevaen'jen

²⁸ Va ande'su a'i tise'pama chi'gasi Chigaja utu'ccoandeqquiama ttu'se bove'ccoai'ccu joccapindeqquiama patsuye.

1 Corinto'su 1:28 Referans Kwoze

Romanos 4:17

Chiga Tevaen'jen tsu qquen conda Abrahamnga su'choma: “Tayo gi antte queja tsain'bitssia poi ande'su a'imbe yayave qui daya.” Abrahamjan Chigai'ccu condasepa Tise su'choma pañamba in'jan. Chiga tsu pa'chondeccuma qquendyaen'su. Nane Tiseja tayo canse'fa'ma'caen tsu toya isumbi'choane'qque afa.

Canjaen'cho 18:17

Tsa'ma tse'faei'ccuyi tsu fae a'ta pa'cco tise ñotssiaja osefa. Poi mar'ye jacanqque'su shavo nasundeccu, shavongae jacansundeccu, shavonga semasundeccu'qque, nane poiyi'cco majan marnga semamba ganasundeccu'qque biane ccutsupa

Deuteronomio 28:63

Na'suja que'ima ñotsse tsomba atapoemba avujatssiqquia'caen tsu que'ima dañomba nepian'an'qque avujatssiya. Nane jon'choma sai isuqquia'caen tsu que'ima que'i can'jeña'cho ande'ye quian'me joqquitssiaña.

1 Corinto'su 2:6

Toya'caen Cristove in'jamba ti'tsse atesupa in'jan'chondeccunga gi ti'tsse aiye'pa condase'choma conda'fa. Tsa'ma va ande'su a'i injama'pa afaqquiacambi tsu. Ni ja'ño'su nasundeccu afaqquiacambi tsu. Tsendeccuja junde tsu tsangae pasa'faya.

Salmos 32:10

Tsain'bitssi tsu egae tsincon'su vana'jeña'cho. Tsa'ma Na'su ñotsse in'jan'cho tsu tisema pañasundeccuma ttupa coira'je.

2 Corinto'su 12:11

Nane sumbie daqquia'caen gi conda'a. Tsa'ma que'i ñama noñangiansi gi tsa'caen conda. Nane que'ija ñama ñoa'me in'jamba tsama canjaen'choecan'da gi ñajan tsa'caen sumbia'caen afambiye'can. Joccapitssiambi gi. Tsa'ma joccapitssiambipa toya'caen ñajan que'i su'cho “bove ñotssia Jesúsne afasundeccuma” bove'ccombi gi.

1 Corinto'su 1:20

Ja'ño, ¿jongoesune tsu bare injama'pa su'cho, toya'caen tevaen'jen atesu'su tevaen'cho, toya'caen va andeni'su tson'chone afacco'su afa'cho'qque? Nane tsaja ñoa'me barembi. Tayo tsu Chigaja canjaen va ande'su in'jan'cho ñoa'me injiengembi'choave.

2 Tesalónica'su 2:8

Se'pi'su joqquitssisi egae tsincon'su tsu attiaña. Attiansi Na'su Jesúsja Tise aya'fa'su qquendya'pai'ccu tsama fi'ttiya. Nane Jesúsja tise jiña'cho a'tatsse chanjunsi ñoa'me tsa egae tsincon'suma patsupa tsangae nepiaña.

Hebreo'su 2:14

Poiyi'cco ingi Tise dushundeccu gi fae naccu'fa. Papa congonqque'su'fa gi. Tsa'cansi Jesús'qque papa congonqque'su a'ive dapa pa ingima fi'tti'suma tsangae patsuye. Nane tsa fi'tti'suja cocoya na'su Satana tsu.