Tito 3:13 - Emberá Chamí

¹³ Ẽbẽra chi aid̶a berreabarii Zenas maud̶e Apolos bichid̶ebena wãaduud̶e ne jomad̶e aid̶ase biꞌia wãd̶amera.

Tito 3:13 Referans Kwoze

Hechos 18:24

Maumisa judio Apolos abadau Éfeso puurud̶e neesii. Mau Apolos Alejandría puurud̶ebena basii. Mau biꞌia berreabachii maud̶e Dachi Akõre karta ãrea kuitaa nibasii.

Mateo 22:35

Ab̶a Moisesba b̶ʉd̶a jaradeabarii basii. Mauba Jesús kachirua berreabid̶ayua naka id̶isii:

Hechos 28:10

Mau ẽbẽrarãba dai chi mechiurã kĩra biꞌia wausid̶au. Waya jãbad̶e atausid̶aud̶e dai wãꞌãe panad̶a ãchiba joma deasid̶au.

1 Corintios 16:11

Maud̶eeba ichi kĩramaabiarã́sturu, maumaarã aid̶ásturu mʉ ichiad̶e neeruud̶e jirukaraayuwãe neemera. Mʉʉba maud̶e waabenarã ãbarã ichi neei esed̶au panuu.

Romanos 15:24

España druad̶aa wãaruud̶e machimaa wãi kʉ̃ria b̶uu. Machi baara kĩrajʉʉ b̶uad̶auped̶a kʉ̃ria b̶uu machiba poyaa aid̶ad̶ai mʉ biꞌia wãmera.

Hechos 21:5

Maamina 7 ewari basiid̶e dai wãsid̶au. Joma ãbarã, ãchi wẽrarã maud̶e ãchi warrarã dai baara puuru awara wãsid̶au. Aria mar iikaa ibud̶e õdarrd̶e duaneed̶aped̶a Dachi Akõremaa ʉtaa id̶isid̶au.

Lucas 14:3

Jesusba Moisesba b̶ʉd̶a jaradeabadaurãmaa maud̶e fariseorãmaa naka id̶isii: —¿Machimaarã, biꞌia b̶uka bari panabadau ewarid̶e ẽpermo nuree aribiabiai?

Lucas 11:52

»¡Moisesba b̶ʉd̶a jaradeabadaurã, machi miichuburi nuree Dachi Akõreba kastikaid̶eeba! Machiba ẽbẽrarãmaa Dachi Akõre biawãra ida kuitaabiad̶akau. Machiba adua panuu Dachi Akõre biawãra saka nii. Mau awara chi waabenarãba kuitaa kʉ̃ria panuu machiba mau ida kuitaabiad̶akau.

Lucas 11:45

Maud̶e Moisesba b̶ʉd̶a jaradeabarii ab̶aba Jesusmaa jarasii: —Jaradeabarii, maka jaraaruud̶e dai ʉ̃rʉbena sid̶a kachirua jara b̶uu.

Lucas 10:25

Earab̶a Jesús biawãra ne kuitaa b̶uu kuitaai baita Moisesba b̶ʉd̶a jaradeabarii jiraduped̶a naka id̶isii: —Jaradeabarii, ¿mʉʉba kãare waui b̶uma Dachi Akõre ome ewaricha chokae b̶uai baita?

Lucas 7:30

Maamina fariseorãba, Moisesba b̶ʉd̶a jaradeabadaurã bid̶a Dachi Akõreba ãchi baita wau kʉ̃ria b̶uad̶a ida b̶usid̶au. Maud̶eeba Juanba ãchi boro eabasii.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

1 Corintios 16:12

Dachi ãba Apolosmaa mʉʉba chi chuburia id̶isii waabenarã ãbarã ome machi ichiad̶e wãd̶amera. Maamina ʉ̃raud̶e ichi wã kʉ̃riawẽa b̶uu. Wãi poyaaruud̶e wãi.