Tito 1:9 - Emberá Chamí

⁹ Chi biawãra bed̶ea ichimaa jaradeaped̶aad̶a ãrea ijãa b̶uai b̶uu. Maka ichiba biawãra bed̶ea jipa jaradea b̶uud̶eeba ẽbẽrarã poyaa aid̶ai biꞌia ijãad̶amera maud̶e chi biawãra bed̶ea kachirua abadaurãmaa poyaa kuitaabiai maarãba biꞌiwãe kʉ̃risia panuu.

Tito 1:9 Referans Kwoze

2 Tesalonicenses 2:15

Maud̶eeba ãbarã, dauchia jãadua panásturu. Daiba jaradeaped̶aad̶a maud̶e kartad̶e b̶ʉped̶aad̶a kĩrabarã́sturu.

2 Timoteo 1:13

Mʉʉba jipa jaradea b̶uad̶a kĩra jaradea b̶uase. Jesucristod̶e ijãa niid̶eeba, waabenarã kʉ̃ria nibase.

1 Timoteo 6:3

Ab̶auba ãyaa jaradearuubʉrã, Dachi Mechiu Jesucristoba jipa jaradead̶a makawãema aaruubʉrã, maud̶e dachi jipa nibad̶ai ʉ̃rʉbena sid̶a ãyaa jaradearuubʉrã,

1 Timoteo 1:10

junebena ome kãi topaneebadaurã baita, ãchi arab̶aurã ome mia pera waubadaurã baita, ẽbẽrarã jidaud̶aped̶a nedobʉibadaurã baita, setaa jarabadaurã baita, chi juez kĩraare setaa jarabadau baita maud̶e chi biawãra bed̶ea jara b̶uu waud̶akaurã baita.

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Tito 2:1

Maamina bichiba chi biawãra bed̶ea jipa jaradea b̶uai b̶uu.

Tito 1:11

Ãchiba chi jaradeabai b̶uu jaradea panuud̶eeba decha ẽbẽrarãmaa biꞌiwãe kʉ̃risiabiabadau. Ab̶a chi nejarra bareburu jaradeabadau. Maarãmaa ida jaradeabiarã́se.

2 Timoteo 4:3

Ewari ab̶a neeruud̶e ẽbẽrarãba biawãra bed̶ea ũri kʉ̃riad̶awẽa panad̶ai. Maumaarã ara ãchiba kʉ̃ria panuu maka waud̶ai. Maud̶eeba jaradeabadaurã ãrea jʉrʉd̶ai ãchiba ũri kʉ̃ria panuu jaradead̶amera.

1 Tesalonicenses 5:21

Joma mau kauwa ũrísturu, maamina ab̶a chi biáturu ijã́sturu.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.

Apocalipsis 2:25

bari dauchia jãadua panuud̶e, mʉʉd̶e ijãa panad̶ai mʉ neeruud̶aa.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

2 Timoteo 2:2

Mʉʉba ẽbẽrarã ãrea daad̶e jaradea b̶uad̶a bichiba ũrisii. Ara mau jaradea b̶uad̶a bichia bid̶a waabenarã ãbarãmaa jarabʉise waabenarãmaa mau jaradead̶amera. Waabenarãba ãchi ijãad̶ai panuu maud̶e poyaa bia jaradead̶ai panuu.

1 Timoteo 4:9

Mau bed̶ea biawãra b̶uu. Jomaurãba mau ijãad̶ai panuu.

Hechos 18:28

Apolos aria b̶uumisa, jomaurã daad̶e Dachi Akõre bed̶ea b̶ʉd̶aba kuitaabiabachii Jesucristo Dachi Akõreba Dachi Karibabarii deai jarad̶a. Maud̶eeba judiorãba poyaa ab̶a bid̶a panaud̶aabasii.

1 Corintios 14:24

Maamina jomaurã Dachi Akõre baita berreaduubʉrã, maud̶e Jesusd̶e ijãawẽa nii ab̶a maebʉrã Dachi Akõre bed̶ea ũri kʉ̃ria b̶uu ed̶a wãaruubʉrã, machiba jara panuu ũri b̶uud̶eeba ichiba kachirua waubarii kuitaad̶eeba Dachi Akõre daad̶e nebʉra barau nii kuitaai.

2 Timoteo 3:14

Maamina bichiba kuitaad̶a chi biawãra kʉ̃risia b̶uud̶eeba, maud̶e nibase. Bichiba kuitaa b̶uu bichimaa jaradeaped̶aad̶aba jipa jaradeaped̶aad̶abʉ.