Tito 1:5 - Emberá Chamí

⁵ Mʉʉba bichi Creta islad̶e b̶ʉisii dachiba waud̶ai b̶uu joma waumera. Mʉʉba jarad̶a kĩra ijãabadaurã nubadaurã puurucha b̶ukuase.

Tito 1:5 Referans Kwoze

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

1 Corintios 14:40

Maamina joma kauwa arakʉd̶e wáusturu.

2 Timoteo 2:2

Mʉʉba ẽbẽrarã ãrea daad̶e jaradea b̶uad̶a bichiba ũrisii. Ara mau jaradea b̶uad̶a bichia bid̶a waabenarã ãbarãmaa jarabʉise waabenarãmaa mau jaradead̶amera. Waabenarãba ãchi ijãad̶ai panuu maud̶e poyaa bia jaradead̶ai panuu.

1 Corintios 11:34

Ab̶a jarrbisia b̶uubʉrã ichi ded̶e koi b̶uu. Maka araa ãbua imiiduud̶e Dachi Akõreba machi kastikaabai kachirua wau panuud̶eeba. Mʉʉba wabid̶a jaradeai b̶uu machimaa wãaruud̶e joma jaradeai.

Hechos 27:21

Ãrea ba b̶uasii kod̶awẽa panuu. Maud̶eeba Pablo jomaurã ẽsa b̶ari nub̶eeped̶a jarakuasii: —Mʉʉba machimaa jarasii Creta islad̶ebena wãrãad̶amera. Mʉ bed̶ea ijãaped̶aad̶a basirã nau kachiruad̶e duanad̶aabaikausii maud̶e ne taawãd̶aabaikausii.

Hechos 27:12

Mau jãba poebabariimare biꞌiwãe b̶uasii, kui che ewarid̶e panad̶ai baita. Maud̶eeba ãreaba kʉ̃risiasid̶au biꞌia b̶uu Fenice puurud̶aa wãd̶ai ab̶a kui che ewari wãꞌãeruud̶aa. Mau puuru sid̶a Creta islad̶e b̶uu. Mamauba suroeste maud̶e noroeste unubachid̶au.

Hechos 27:7

Ewari ãrea baaruud̶e bikãa wãsid̶au ãrea kĩramaa pũatu b̶uasiid̶eeba. Gnido puuru kĩraare need̶ai baita, bereka panuud̶e neesid̶au. Wabid̶a daimaa pũatu b̶uasiid̶eeba, Creta isla ad̶u wãsid̶au, Salmona kĩraare.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Colosenses 2:5

Mʉ machi ome b̶uuwãemina mʉ kʉ̃risia machi ome b̶uu. Mʉʉba kuitaa b̶uu machi ãbua biꞌia panuu maud̶e Cristod̶e ãrea ijãa panuu. Maud̶eeba kĩrajʉʉ b̶uu.

Hechos 2:11

Maud̶e ẽbẽrarã Creta islad̶ebena maud̶e Arabiad̶ebena nama panuu. ¡Jomaurãba ara dachi bed̶ead̶e chi Dachi Akõreba biꞌia waud̶a ʉ̃rʉbena berrea panuu ũri panuu!»

Hechos 27:13

Maud̶e pũaturã surd̶ebena bikãa pũatu neesiid̶e, biꞌia wãd̶ai kʉ̃risiasid̶au. Ancla jira adoed̶aped̶a Creta isla iikaa wãsid̶au.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

Tito 1:12

Ara mau Creta islad̶ebena nabẽraed̶ebena ab̶a chi aude kʉ̃risia kuitaa niiba naka jarasii: «Creta islad̶ebenarã, ãnimara kachirua kĩra nuree, ko ãrea nuree maud̶e koꞌoa nuree».