Santiago 5:9 - Emberá Chamí

⁹ Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.

Santiago 5:9 Referans Kwoze

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

Santiago 4:11

Ãbarã, waabenarã ʉ̃rʉbena kachirua jararã́sturu. Ab̶auba ichi ãba ʉ̃rʉbena kachirua jaraaruubʉrã maebʉrã jidearuubʉrã, Moisesba b̶ʉd̶a ʉ̃rʉbena kachirua jara b̶uu, maud̶e mau Moisesba b̶ʉd̶a jidea b̶uu. Ab̶auba Moisesba b̶ʉd̶a maka jideai kʉ̃risia b̶uubʉrã, mau Moisesba b̶ʉd̶ad̶e jara b̶uu wauwẽa b̶uu. Moisesba b̶ʉd̶ad̶e jara b̶uu audeara ichi waabenarã nebʉra ichiabarii b̶eesii.

Mateo 24:33

Ara mau kĩra mʉʉba jarad̶a joma unuuduud̶e kuitásturu mʉ neei ewari ʉ̃rʉ bamaa b̶uu, poraad̶e iu b̶uu kĩra.

1 Pedro 4:9

Chi machi ded̶e needuurã kachirua kʉ̃risiad̶awẽa biꞌia irsibísturu.

Gálatas 5:26

Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

1 Pedro 4:5

Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.

Gálatas 5:14

Moisesba b̶ʉd̶a nau bed̶ea ab̶aba joma jara b̶uu: «Ab̶au kʉ̃riáse ara bichi kʉ̃ria b̶uu kĩra».

1 Corintios 10:11

Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

Marcos 13:29

Ara mau kĩra mʉʉba jarad̶a unuuduud̶e kuitásturu mʉ neei ewari ʉ̃rʉ bamaa b̶uu, poraad̶e iu b̶uu kĩra.

2 Corintios 9:7

Ẽbẽraba ab̶aab̶acha deai b̶uu ichi sõd̶e kʉ̃risia b̶uu kĩra. Deamaa b̶uud̶eeba deabai b̶uu, maebʉrã deábad̶e a panuud̶eeba deabai b̶uu. Chi kĩrajʉʉba dea b̶uu Dachi Akõreba kʉ̃ria b̶uu.

Marcos 6:19

Mau awara Herodiasba Juan kĩramaa b̶uasii. Ichi beabii kʉ̃ria b̶uasmina poyaa makaabasii.

Apocalipsis 3:20

¡Ũrísturu! Mʉ poraad̶e b̶uma. Awareeba iu b̶uma machiba mʉ deed̶aa ida neebid̶amera. Barikiuba mʉ mimi ũriped̶a chi poraa ewaaruubʉrã, mʉ ed̶a wãped̶a mau baara koi.

Santiago 4:12

Maamina mau Moisesba b̶ʉd̶a Dachi Akõréburu deasii. Jãuburu dachi nebʉra ichiabarii. Ab̶a jãuburu ẽbẽrarã poyaa karibai maud̶e poyaa dachi nebʉra ichiai. Maud̶eeba ¿bichi kaima, bichi ãba nebʉra ichiai baita?

Santiago 5:7

Maud̶eeba ãbarã, joma dauchia jãadua panásturu ab̶a Dachi Mechiu neeruud̶aa. Ne uu nub̶uud̶e ẽbẽraba wau b̶uu ʉ̃rʉbena kʉ̃risiásturu. Ichi pead̶e uuruud̶e, apii esed̶aubarii kui cheeruud̶e chi uud̶a tonomera maud̶e warimera. Ara maka nubarii kui maucha cheeruud̶e, mau uud̶a biꞌia chaumera.

Santiago 5:10

Ãbarã, kʉ̃risiásturu saka Dachi Akõre baita berreabadaurãba dauchia jãaduaped̶aad̶a ʉ̃rʉbena. Dachi Mechiu trʉ̃d̶eeba berreasid̶au kakua ãrea biꞌiwãe panad̶a joma dauchia jãaduasid̶au. Ara mau kĩra machia bid̶a joma dauchia jãaduad̶ai panuu.