Santiago 5:6 - Emberá Chamí

⁶ Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

Santiago 5:6 Referans Kwoze

Santiago 4:2

Machiba ne adaud̶ai ãrea kʉ̃riabadamina poyaa adaud̶akau. Maud̶eeba mia beabadau. Waabenarãd̶e ne kaebea adaud̶ai kʉ̃riabadau. Maamina poyaa adaud̶akaud̶eeba oa kachirua berreabadau maud̶e chĩobadau. Machiba chi kʉ̃ria panuu adaud̶akau, Dachi Akõremaa ʉtaa id̶id̶akaud̶eeba.

Hechos 8:32

Ichiba Dachi Akõre bed̶ead̶e ed̶a jara b̶uad̶a nau basii: «Oeja beabadaumaa adoebadau kĩra ichi bead̶e adoesid̶au. Chi kara kõmaa panuud̶e oeja chũpea b̶uabarii kĩra ara mau kĩra ichi chũpea b̶uasii.

Mateo 5:39

Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Hebreos 10:38

Chi jipa nii mʉʉd̶e ijãa niid̶eeba chokae nibai. Maamina ichiba ijãa b̶uu ida b̶uuruubʉrã, mʉʉba mau biꞌia unuubai».

Hechos 22:14

Maabae Ananiasba jarasii: “Dachi Akõre dachi nabẽraed̶ebena ome b̶uad̶aba bichi adoesii ichiba kʉ̃ria b̶uu kuitaamera, chi Jipa nii unumera maud̶e ichi berrearuu ũrimera.

Santiago 2:6

Maamina machiba chi mau chi nejarr barauwãe nii biꞌia nii ichiad̶akau. Mʉʉba id̶iiruu: ¿Kairãba machi kachirua waubadama? Chi maka waubadaurã ¿chi nejarra barau nureewãeka? ¿Maarãba machi juezrãmaa erta adoebadauwãeka?

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

Mateo 27:20

Maud̶e paare mechiurãba maud̶e judiorã mechiurãba ẽbẽrarã araa imi nub̶uumaa jarasid̶au Pilatomaa jarad̶amera Barrabás enata bʉiped̶a Jesús beamera.

Mateo 21:38

Maamina ãchiba mau warr unusid̶aud̶e ãchi chiya jarasid̶au: “Jãuba ichi akõre ne kaebea joma adaui chi akõre biuruud̶e. ¡Jãu beáduru! Makaburu chi drua dachi baita b̶eei”.

1 Pedro 4:18

«Chi ẽbẽra jipa nii karibai baita chaarea b̶uubʉrã, ¿chi Dachi Akõre ida b̶uped̶a kachirua waubarii saka karibaima?»