Santiago 5:16 - Emberá Chamí

¹⁶ Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

Santiago 5:16 Referans Kwoze

Mateo 21:22

Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Juan 9:31

Dachiba kuitaa panuu chi kachirua waubadaurãba id̶iiduu Dachi Akõreba biꞌia ũrikau. Mau awara kuitaa panuu barikiuba Dachi Akõre wapea b̶uubʉrã maud̶e ichiba kʉ̃ria b̶uu wau b̶uubʉrã, mauba ʉtaa id̶iiruu Dachi Akõreba biꞌia ũribarii.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.

Hechos 19:18

Mau ewarid̶e ãrea Jesusd̶e ijãa panuurã aria need̶aped̶a chi ãchiba kachirua wauped̶aad̶a jomaurã daad̶e jarasid̶au.

1 Tesalonicenses 5:17

Ida b̶ud̶ayuwãe Dachi Akõremaa ʉtaa id̶i panásturu.

Hebreos 12:13

O jipaud̶e nibásturu. Maka chi poyaara nuree b̶aed̶aabai, maumaarã biꞌia ijãa panad̶ai.

1 Tesalonicenses 5:25

Ãbarã, dai baita Dachi Akõremaa ʉtaa id̶ísturu.

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Hebreos 13:18

Dai baita Dachi Akõremaa ʉtaa id̶ísturu. Dai ne jomad̶e jipa nibad̶ai kʉ̃ria panuu maud̶e kuitaa panuu kachirua waud̶awẽa panuu.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Romanos 5:19

Biawãra ẽbẽra ab̶aba Dachi Akõreba jarad̶a waubasiid̶eeba ẽbẽrarã ãrea kachirua waubadaurã paneesid̶au. Maud̶e ẽbẽra ab̶aba ichiba jarad̶a joma wausiid̶eeba ẽbẽrarã ãrea Dachi Akõreba jipa nuree a jarai.

Romanos 3:10

Maud̶eeba Dachi Akõre bed̶ead̶e naka b̶ʉ kub̶uu: «Ẽbẽra jipa nii ab̶a bid̶a wãꞌãe.

Hebreos 11:4

Abelba Dachi Akõred̶e ijãa b̶uasiid̶eeba Cainba dead̶a audeara ne bia b̶uu deasii. Ijãasiid̶eeba ichiba dead̶a Dachi Akõreba biꞌia unuped̶a jarasii ichi jipa nii. Abel biusmina ichiba biawãra ijãa b̶uasiid̶eeba dachimaa wabid̶a kuitaabia b̶uu Dachi Akõred̶e ijãad̶ai panuu.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Lucas 9:6

Maka wãd̶aped̶a puuru b̶eecha jarabachid̶au chi bed̶ea bia Jesús ʉ̃rʉbena, maud̶e ẽpermo nuree aribiabiabachid̶au.

Marcos 1:5

Maud̶e ẽbẽrarã Jerusalend̶ebenarã maud̶e joma Judea druad̶ebenarã Juanmaa wãbachid̶au. Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Hechos 8:24

Maud̶e Simonba jarasii: —Mʉ baita Dachi Mechiumaa ʉtaa id̶ísturu chi machiba jaraped̶aad̶a makarãamera.