Santiago 4:6 - Emberá Chamí

⁶ Maamina Dachi Akõreba ichi sõbiad̶eeba dachi ãrea aid̶a b̶uu. Maud̶eeba Ichi Bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabikau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».

Santiago 4:6 Referans Kwoze

Mateo 23:12

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii.

1 Pedro 5:5

Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».

Lucas 14:11

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 18:14

»Mʉʉba machimaa jaraaruu: fariseo audeara mau ẽbẽra deed̶aa wãsiid̶e, Dachi Akõre daad̶e jipa b̶uasii. Chi ab̶a chi mechiu nibai kʉ̃ria b̶uubʉrã Dachi Akõreba kaebeu b̶ui. Maamina ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 1:52

Chi mechiu b̶ead̶a ãyaa duanuped̶a chi kaebeu b̶ee chi mechiu duanusii.

Mateo 13:12

Ab̶auba biawãra kuitaaruubʉrã, Dachi Akõreba aude kuitaabii. Maamina chi adua niiba ne kuitaa b̶uu kʉ̃risiaruubʉrã ichiba kʉ̃risia b̶uu Dachi Akõreba mau juakaa adaui.

Santiago 4:10

Chi waabenarã audeara mechiuwãe nuree, Dachi Mechiu daad̶e nésturu. Maka mauba machi chi mechiurã b̶ui.