Santiago 3:2 - Emberá Chamí

² Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

Santiago 3:2 Referans Kwoze

Santiago 1:26

Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.

1 Pedro 3:10

Dachi Akõre bed̶ead̶e naka b̶ʉ kub̶uu: «Ab̶a kĩrajʉʉ b̶uai kʉ̃ria b̶uubʉrã, ichi kẽrame nui b̶uu kachirua berrearãamera. Ewari ãrea biꞌia b̶uai kʉ̃ria b̶uubʉrã, ichi okarr nui b̶uu, setaa jararãamera.

Romanos 3:10

Maud̶eeba Dachi Akõre bed̶ead̶e naka b̶ʉ kub̶uu: «Ẽbẽra jipa nii ab̶a bid̶a wãꞌãe.

Santiago 1:4

Mau biawãra dauchia jãadua paneeduubʉrã, ne jomad̶e biꞌia, jipa nuread̶ai. B̶istĩika bid̶a nistad̶awẽa panuu nuread̶ai.

Santiago 2:10

Ab̶auba Moisesba b̶ʉd̶ad̶ebena ab̶a bid̶a wauwẽebʉrã, mau joma wauwẽa b̶uud̶eeba nebʉra bara b̶uai.

1 Corintios 9:27

Maumaarã mʉ kakua chaarea wau b̶uu maud̶e mʉ kakuaba waubai b̶uu mʉʉba waubi b̶uu. Maka joma wau b̶uu Dachi Akõreba deai jarad̶a adaui baita. Maka wauwẽebʉrã, mʉʉba ẽbẽrarãmaa jaradea b̶uasmina Dachi Akõreba deai jarad̶a poyaa adaubai.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Romanos 7:21

Maud̶eeba nau kuitaa b̶uu: mʉʉba biꞌia wau kʉ̃ria b̶umina kachirua mʉ sõd̶e b̶uuba kachirua waubibarii.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

Gálatas 5:17

Nau kakuaba kachirua wau kʉ̃ria b̶uu Dachi Akõre Jauriba kʉ̃riakau. Maud̶e Dachi Akõre Jauriba waubii kʉ̃ria b̶uu nau kakuaba kʉ̃riakau. Mau ãbua biꞌia panad̶akaud̶eeba machiba wau kʉ̃ria panuu poyaa waud̶aabai.

Mateo 12:34

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.