Santiago 3:1 - Emberá Chamí1 Ãbarã, machiba kuitaa panuu Dachi Akõreba dachi chi Ichi bed̶ea jaradeabadaurã aude ichiai. Maud̶eeba ãrea machid̶ebenaba jʉrʉd̶aabai panuu jaradeabadaurã nuread̶ai baita. Gade chapit la |
Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.
»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.
Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.
»Chi ne kuitaa kʉ̃ria b̶uu chi jaradeabarii audeara kuitaa b̶uuwãe. Maamina chi jaradeabarii kĩra b̶uaibʉrã, biꞌia b̶uu. Chi chibari baita bari trajabarii ichi chibari audeara mechiu niiwãe. Maamina chi chibari kĩra b̶uaruubʉrã, biꞌia b̶uu. Mʉ jai kachiruarã jaradea ua b̶uabarii Beelzebú a panuubʉrã, machi ara mau kĩra jarad̶ai.
Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.