Santiago 2:21 - Emberá Chamí

²¹ ¿Dachi chi judiorã akõre Abrahamba waud̶a Dachi Akõreba mau jipa unuubaska? Dachi Akõreba Abrahammaa ichi warr Isaac baa deábad̶e asiid̶e Abrahamba makad̶e wãsii. ¿Dachi Akõreba ichi mau kakua jipa nii unuubaska?

Santiago 2:21 Referans Kwoze

Juan 8:39

Ãchiba panausid̶au: —Dai chacha Abrahambʉ. Maamina Jesusba jarasii: —Machi Abraham warrarã basirã ichiba waud̶a kĩra waud̶ai basii.

Romanos 4:16

Dachi Akõreba deai jarad̶a dachiba adaud̶ai ichid̶e ijãa panuud̶eeba. Dachi Akõreba ichi sõbiad̶eeba mau bari dea b̶uu. Maud̶eeba joma Abraham ẽbẽrarã, chi Moisesba b̶ʉd̶ad̶eeba panuurãba mau biawãra adaud̶ai. Maamina ãchiaburu adaud̶aabai, maumaarã judiowãerã bid̶a Abraham kĩra Dachi Akõred̶e ijãaduubʉrã adaud̶ai. Maka Abraham joma dachi, chi Dachi Akõred̶e ijãabadaurã akõrebʉ.

Santiago 2:24

Maud̶eeba machiba kuitaa panuu Dachi Akõreba dachi jipa unukau, bari dachiba ichid̶e ijãa panuu a panuud̶eeba, maumaarã jipa unu b̶uu ichid̶e ijãaped̶aad̶a biꞌia wau panuud̶eeba.

Santiago 2:18

Maamina ab̶auba naka jaraaruu: «Bichiba Jesucristod̶e ijãa b̶uu abarii maud̶e mʉʉba biꞌia waubarii». Mʉʉba nau jaraaruu: bichiba biꞌia wauwẽa unubise, Jesucristod̶e biawãra ijãa b̶uu. Maud̶e biꞌia wau b̶uud̶eeba mʉʉba unubii Jesucristod̶e biawãra ijãa b̶uu.

Romanos 4:12

Maud̶e Abrahamba mukĩra chi kakua tõoi naed̶e ijãa b̶uad̶a kĩra mukĩra chi kakua tõo nureerãba ijãaduubʉrã Abraham ãchi akõrebʉ.

Romanos 4:1

¿Kãare jarad̶aima dai judiorã nabẽraed̶ebena Abraham ʉ̃rʉbena?

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Hechos 7:2

Estebanba naka panausii: —Mʉ ãbarã judiorã, mʉ jaradea ua b̶uabadaurã, michuburia mʉ bed̶ea ũrísturu. Dachi nabẽraed̶ebena Abraham wabid̶a Mesopotamia druad̶e b̶uasiid̶e Harán puurud̶e b̶uad̶e wãi naed̶e Dachi Akõre chi Biꞌia nii ichimaa neesii.

Juan 8:53

Makarã ¿bichi dai nabẽra Abraham audeara chi mechiu nika? Mau biusii maud̶e joma Dachi Akõre baita berreabadaurã sid̶a biusid̶au. Bichi ¿kai kʉ̃risia b̶uma?

Lucas 16:30

Maud̶e chi ẽbẽraba panausii: “Chacha Abraham, mau baita ijãad̶aabai. Maamina ab̶a biud̶aba chokae jiraduped̶a maarãmaa jarad̶e wãaruubʉrã, maarãba kachirua ida b̶ud̶aped̶a ijãad̶ai”.

Lucas 16:24

Maud̶eeba jĩwa jarasii: “Chacha Abraham, mʉ kĩra chuburiáse. Lázaro bʉise. Ichi jua jimid̶i baniaba b̶ekeaped̶a mʉ kẽrame b̶ekead̶e neebise. Nau aoko nub̶uud̶e mʉ ãrea biꞌiwãe b̶uu”.

Lucas 1:73

Ichiba dachi nabẽraed̶ebena Abrahammaa jarasii dachi chi kĩramaa panabadau jua chaaread̶ebena karibai. Maka wapeawẽa dachiba ichi baita poyaa ne wau panad̶ai.

Mateo 3:9

Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: “Dachi Akõreba kʉ̃riaibʉrã, cha b̶ee mo Abrahamd̶ebena imiped̶aad̶arã babiakuai”.

Hebreos 11:17

Abrahamba biawãra ijãa b̶uu kuitaayua Dachi Akõreba jarasii ichi warr baa deamera. Maamina mau naed̶e Dachi Akõreba ichimaa biawãra naka jarasii: «Bichi warr Isaacd̶eeba bichi ãichekerã ãrea imid̶ai». Dachi Akõreba maka jarasiid̶eeba Abrahamba ichi warr ara ab̶a nii baa deai baita b̶uasii.