Romanos 9:7 - Emberá Chamí

⁷ Maud̶e joma Abrahamd̶ebena imiped̶aad̶a Dachi Akõre daad̶e Abraham warrarãwãe. Dachi Akõreba Abrahammaa naka jarasii: «Bichi warr Isaacd̶eeba bichi ãichekerã ãrea imid̶ai».

Romanos 9:7 Referans Kwoze

Gálatas 4:23

Chi chibari baita bari trajabariiba warr adausii Abrahamba maka kʉ̃riasiid̶eeba. Maamina chi chibariswãe nii wẽraba warr adaud̶a Dachi Akõreba deai jarad̶a basii.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Lucas 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a. Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: Dachi Akõreba kʉ̃riaibʉrã cha b̶ee mo Abrahamd̶ebena imiped̶aad̶arã babiakuai.

Juan 8:33

Maamina ãchiba jarasid̶au: —Dai Abrahamd̶ebena imisid̶aud̶eeba chi chibari baita bari trajabadaurãwãe. ¿Saka bichiba dai karibai a b̶uma?

Lucas 16:30

Maud̶e chi ẽbẽraba panausii: “Chacha Abraham, mau baita ijãad̶aabai. Maamina ab̶a biud̶aba chokae jiraduped̶a maarãmaa jarad̶e wãaruubʉrã, maarãba kachirua ida b̶ud̶aped̶a ijãad̶ai”.

Mateo 3:9

Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: “Dachi Akõreba kʉ̃riaibʉrã, cha b̶ee mo Abrahamd̶ebena imiped̶aad̶arã babiakuai”.

Gálatas 4:28

Isaac chi naweba adausii Dachi Akõreba Abrahammaa maka jarasiid̶eeba. Ãbarã, Isaac kĩra, dachi Dachi Akõre warrarã paneesid̶au ichiba maka jarasiid̶eeba.