Romanos 5:1 - Emberá Chamí

¹ Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Romanos 5:1 Referans Kwoze

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Colosenses 1:20

Maud̶e kʉ̃riasii Cristod̶eeba ne joma bajãad̶ebena maud̶e nau iujãad̶ebena ichi ome biꞌia nuread̶amera. Maud̶eeba Cristo cruzd̶e oa chesiid̶eeba ichi ome jirukaraayuwãe b̶usii.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Romanos 4:5

Maamina Dachi Akõreba chi ichid̶irã jipa nuree baara b̶umera chi ne wauwẽa b̶uuba ichid̶e ijãaruubʉrã, mau ẽbẽra chi ichid̶irã jipa nuree baara b̶ui. Chi kachirua wau nureerãba ichid̶e ijãaduubʉrã ichiba chi ichid̶irã jipa nuree baara duanubarii.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.

Romanos 15:33

Mʉʉba kʉ̃ria b̶uu chi Dachi Akõre dachi jirukaraayuwãe duanabiabarii joma machi baara b̶uai. Biꞌia b̶uu maka b̶uai.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Romanos 5:18

Maka ẽbẽra ab̶aba kachirua waud̶a kakua Dachi Akõreba ichiaped̶a joma nebʉra bara panuu asii. Maud̶e ẽbẽra ab̶aba jipa waud̶a kakua Dachi Akõreba joma poyaa chi ichid̶irã jipa nuree baara b̶ui ewaricha ichi ome chokae panad̶amera.

Lucas 19:42

Maud̶e jarasii: «¡Bichiba kuitaad̶a basirã nau ewarid̶e kaid̶ebena bichi jirukaraayuwãe b̶uai! Maamina dau bʉra nii kĩra b̶uud̶eeba bichiba kauwa unuubai.

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

Lucas 19:38

Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Gálatas 2:16

Maamina dachiba kuitaa panuu Dachi Akõreba ab̶a bid̶a b̶uwẽe chi jipa nuree baara, mau Moisesba b̶ʉd̶a wau b̶uud̶eeba. Maumaarã Jesucristoba mau Moisesba b̶ʉd̶a kĩra joma wausiid̶eeba, Dachi Akõreba dachi b̶ubarii chi jipa nuree baara. Maud̶eeba dachia bid̶a Jesucristod̶e ijãasid̶au maud̶e Jesucristod̶e ijãa b̶u kakua maka chi ichid̶irã jipa nuree baara duanubarii, ichiba mau b̶ʉd̶a kĩra joma waud̶a kakua. Biawãra Moisesba b̶ʉd̶a wau panuud̶eeba Dachi Akõreba dachi b̶ukau chi jipa nuree baara.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Romanos 10:10

Biawãra chi mauba sõd̶eeba ijãaruubʉrã, chi Dachi Akõre daad̶e jipa nuree baara b̶uai. Iiba Jesús jomaurã Mechiu aaruubʉrã Dachi Akõreba karibai.

Romanos 3:30

Dachi Akõre ab̶aburu niid̶eeba. Ichiba joma Jesusd̶e ijãaduu chi ichid̶irã jipa nuree baara duanubarii. Mukĩra chi kakua tõo nureerãba maud̶e mukĩra chi kakua tõowẽa nuree bid̶a Jesusd̶e ijãaduubʉrã chi ichid̶irã jipa nuree baara duanubarii.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

Efesios 2:7

Mau joma wausii kaad̶ebena ewarid̶e ichi ãrea sõbia nii unubii baita. Maud̶eeba dachi chi Jesucristo ome panuurã karibasii.

Gálatas 3:25

Maamina id̶ibae dachiba Cristod̶e ijãa panuud̶eeba Moisesba b̶ʉd̶aba nu ua b̶uakau.

Romanos 10:15

Dachi Akõreba ab̶a bid̶a bʉiwẽebʉrã, ¿saka jaradead̶e wãd̶aima? Dachi Akõre bed̶ead̶e naka b̶ʉ kub̶uu: «Chi bed̶ea bia jarad̶e needuu ãrea biꞌia nuree».

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Romanos 5:11

Mau awara Dachi Mechiu Jesucristod̶eeba Dachi Akõre ome biꞌia nureed̶eeba ichid̶eeba Dachi Akõre ome sõbia panuu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,