Romanos 3:4 - Emberá Chamí

⁴ Makawãema. Dachi Akõreba waui jarad̶a biawãra joma waui. Ẽbẽrarã setaa jarabadamina Dachi Akõreba waubarii ichiba jara b̶uu kĩra. Ichi Bed̶ead̶e naka b̶ʉ kub̶uu: «Jomaurãba kuitaad̶ai bichiba jara b̶uu jipa b̶uu; ab̶auba bichi ʉ̃rʉbena kachirua jaraaruud̶e bichiba kuitaabiai bichi jipa nii».

Romanos 3:4 Referans Kwoze

Gálatas 2:17

Dachiba jʉrʉsid̶au Cristod̶eeba Dachi Akõreba dachi chi jipa nuree baara duanumera. Maud̶eeba waabenarãmaarã dachi kachirua waubadaurãbʉ, chi Moisesba b̶ʉd̶a ida b̶usid̶aud̶eeba. Makarã ¿Cristoba dachimaa kachirua waubia b̶uka? ¡Makawãema!

Hebreos 6:18

Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Juan 3:33

Chi ichi bed̶ea ijãa b̶uuba kuitaa b̶uu Dachi Akõreba jara b̶uu biawãrabʉ.

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Romanos 9:14

¿Mau ʉ̃rʉbena saka kʉ̃risia panuma? ¿Dachi Akõreba jipa waukau kʉ̃risia panuka? ¡Makawãema!

1 Juan 5:10

Chi Dachi Akõre Warr ijãa b̶uuba ichi sõd̶e kuitaa b̶uu Dachi Akõreba jara b̶uu biawãra. Maamina chi Dachi Akõreba jara b̶uu ijãawẽa b̶uuba chi mauba setaa jara b̶uu a kʉ̃risia b̶uu, ichi Warr ʉ̃rʉbena jara b̶uu ijãawẽa b̶uud̶eeba.

Gálatas 2:21

Dachi Akõreba ichi sõbiad̶eeba waud̶a mʉʉba ida b̶uwẽe. Moisesba b̶ʉd̶a wau panuud̶eeba chi jipa nuree baara panasirã, Cristo bari biui basii.

Romanos 6:15

¿Mau ʉ̃rʉbena saka kʉ̃risia panuma? Dachi Akõreba ichi sõbiad̶eeba dachi karibasiid̶eeba maud̶e Moisesba b̶ʉd̶ad̶e dachi duanuuwãed̶eeba ¿kachirua waud̶ai panuka? ¡Makawãema!

Romanos 3:31

Jesusd̶e ijãa panuud̶eeba ¿Moisesba b̶ʉd̶a ida b̶u panuka? Makawãema, maumaarã mau Moisesba b̶ʉd̶a biꞌia b̶uu unubadau.

Mateo 11:19

Maumaarã mʉ, chi Ẽbẽra Ba B̶uad̶a, nee b̶uu. Mʉʉba ne joma kobarii maud̶e ne joma dobarii. Maud̶e machiba jarabadau mʉ chi ko ãrea nii maud̶e do ãrea nii. Mau awara jarabadau mʉ kachirua waubadaurã baara maud̶e Romad̶ebena chi aude mechiu nii baita chi nejarra pebadaurã baara nibabarii. Maamina kuitaa panuu Dachi Akõre kʉ̃risia kuitaa jipa b̶uu, mau ijãa panuuba jipa waubadaud̶eeba».

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Romanos 11:1

Maud̶eeba mʉʉba nau id̶iiruu: «¿Dachi Akõreba israeld̶ebenarã ichid̶irã ida b̶uska?» ¡Makawãema! Mʉ israeld̶ebenabʉ, Abrahamd̶ebena need̶abʉ, Benjamind̶ebena need̶abʉ.

2 Corintios 1:18

Dachi Akõre bed̶ea ab̶a b̶uu. Ichiba kuitaa b̶uu daiba jaraped̶aad̶a biawãra basii. Daiba machimaa wãd̶ai ad̶aped̶a ara makʉd̶e wãd̶aabai ad̶aabasii. Daiba «nau biawãra» ad̶aabasii, maad̶akare «seta» ad̶ai baita.

Romanos 11:11

Nau mʉʉba id̶iiruu: ¿judiorãba Cristo ida b̶usid̶aud̶eeba waa Dachi Akõre ome poyaa biꞌia nuread̶aabai panuka? ¡Makawãema! Maumaarã maka wausid̶aud̶eeba Dachi Akõreba judiowãerã karibabarii. Maka judiorãba jiwaad̶aped̶a ichi kʉ̃riad̶ai.

Romanos 7:7

¿Mau ʉ̃rʉbena saka kʉ̃risia panuma? ¿Moisesba b̶ʉd̶a kachirua b̶uka? ¡Makawãema! Mau Moisesba b̶ʉd̶a wãꞌãe basirã mʉʉba adua b̶uai basii kãare kachirua b̶uu. Moisesba b̶ʉd̶aba «ab̶auba uru b̶uu kʉ̃riarã́bad̶e» ad̶awãe basirã, mʉʉba ãibenaba uru b̶uu kʉ̃riai kachirua b̶uu adua b̶uai basii.

Romanos 6:2

¡Biawãra maka waud̶aabai panuu! Dachi kachiruad̶eeba biusid̶au. Maud̶eeba ¿saka kachiruad̶e nibad̶aima?

Lucas 20:16

Araa wãped̶a maarã joma kenaped̶a ichi uva uu nub̶uu waabenarãmaa deai nud̶amera». Chi aria panuurãba mau ũrisid̶aud̶e jarasid̶au: —¡Mau makaabasirã ara b̶uas!

Romanos 7:13

Makarã ¿Moisesba b̶ʉd̶a biꞌia b̶uuba mʉ biubiska? ¡Makawãema! Maumaarã kachirua wau b̶uu kakua mʉ maka biui b̶uasii. Mʉʉba kachirua wau b̶uu kakua mau Moisesba b̶ʉd̶a biꞌia b̶uuba jara b̶uu mʉ biui b̶uu. Maka arakʉd̶e unubi b̶uu chi kachirua saka b̶uu. Mʉʉba kachirua wau b̶uu biawãra ãrea kachirua b̶uu.

1 Corintios 6:15

¿Machiba adua panuka machi kakua Cristod̶e? Makarã ¿mʉʉba ãbua b̶uika chi Cristod̶e, wẽra aud̶ua nii ome? ¡Makawãema!

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.