Romanos 3:25 - Emberá Chamí

²⁵ Dachi Akõreba Jesucristo b̶usii ichi oa chemera, dachi kachirua kakua. Mau ijãaduud̶e Dachi Akõreba dachi kachirua perdonabarii. Maka unubia b̶uu Dachi Akõre jipa nii, dachi karibai baita. Cristo neei naed̶e kachirua wauped̶aad̶a Dachi Akõreba joma dauchia jãadua b̶uud̶eeba kastikawẽa b̶uasii.

Romanos 3:25 Referans Kwoze

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

Romanos 5:9

Cristo oa chesiid̶eeba Dachi Akõreba dachi chi ichid̶irã jipa nuree baara duanusii. Maud̶eeba Cristod̶eeba Dachi Akõreba dachi kastikai bad̶a biawãra karibai.

Hechos 17:30

Ẽbẽrarãba chi Dachi Akõre naed̶e adua panad̶a, ichiba mau ida b̶usii. Maamina id̶ibae jara b̶uu joma druachad̶ebenarãba kachirua ida b̶ud̶aped̶a ichid̶e ijãad̶amera.

Hebreos 10:4

paka mukĩra oaba maud̶e chivo oaba kachirua poyaa awara b̶ukaud̶eeba.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Apocalipsis 20:15

Chi ẽbẽrarã trʉ̃ chi ewaricha chokae duanabarii kartad̶e wãꞌãerã Dachi Akõreba mau ea chob̶ead̶e azufre bara aoko nub̶uud̶e jiratasii.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.

Hebreos 11:14

Maka jara panuud̶eeba arakʉd̶e kuitaabiasid̶au ãchi drua adaud̶ai baita esed̶au panuu.

1 Juan 1:10

Kachirua waud̶akau aaduubʉrã, Dachi Akõre chi seta nii a panuu maud̶e ichi bed̶ea ijãad̶awẽa panuu.

Hebreos 11:17

Abrahamba biawãra ijãa b̶uu kuitaayua Dachi Akõreba jarasii ichi warr baa deamera. Maamina mau naed̶e Dachi Akõreba ichimaa biawãra naka jarasii: «Bichi warr Isaacd̶eeba bichi ãichekerã ãrea imid̶ai». Dachi Akõreba maka jarasiid̶eeba Abrahamba ichi warr ara ab̶a nii baa deai baita b̶uasii.

Hebreos 9:5

Baura ʉ̃rʉ ángel kĩra ikia bara panuu ome panasid̶au. Chi ikiaba chi tapa ʉ̃rʉ jũra topanasid̶au. Ãchi panuumaa Dachi Akõre kĩrawãrea ted̶echoa neebachii. Mau tapa ʉ̃rʉ paareba oa jĩtod̶okaaruud̶e Dachi Akõreba ẽbẽrarãba kachirua wauped̶aad̶a perdonabachii. Ara makʉd̶e mau ʉ̃rʉbena daiba nau kartad̶e poyaa biꞌia jaradead̶aabai.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Romanos 5:11

Mau awara Dachi Mechiu Jesucristod̶eeba Dachi Akõre ome biꞌia nureed̶eeba ichid̶eeba Dachi Akõre ome sõbia panuu.

Romanos 3:26

Id̶ibae ichiba Jesucristod̶eeba dachi kariba b̶uu, ichi jipa niid̶eeba. Ichiba jaraaruu maka waubariid̶eeba, chi Jesusd̶e ijãaduu joma chi ichid̶irã jipa nuree baara duanubarii.

Romanos 2:4

Bichiba ida b̶u b̶uu Dachi Akõre dachi ome ãrea sõbia b̶uu, joma dauchia jãadua b̶uu maud̶e kachirua waud̶a isa kastikakau. ¿Bichiba adua b̶uka Dachi Akõre bichi ome sõbia b̶uabariid̶eeba maud̶e chi ichiba kʉ̃ria b̶uud̶eeba bichi kachirua waubarii ida b̶ubarii ichimaa neemera?

Hechos 4:28

ãchiba maka wausid̶au bichiba naed̶e kʉ̃risia b̶uad̶a kĩra. Bichi ãrea poyaad̶eeba naed̶e maka b̶usii ãchiba maka waud̶amera.

Hechos 3:18

Maamina maud̶eeba Dachi Akõreba naed̶e jarad̶a joma makabisii. Ichi baita berreabadaurãd̶eeba jarasii ichiba Dachi Karibabarii deai jarad̶a ãrea puꞌuaped̶aad̶ad̶ebena dauchia jãadua b̶uaped̶a biui b̶uasii.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Hechos 14:16

Naed̶e Dachi Akõreba ichi adua nuree puurumaa ara ãchiba wau kʉ̃ria panuu ida waubiabachii.

Romanos 5:18

Maka ẽbẽra ab̶aba kachirua waud̶a kakua Dachi Akõreba ichiaped̶a joma nebʉra bara panuu asii. Maud̶e ẽbẽra ab̶aba jipa waud̶a kakua Dachi Akõreba joma poyaa chi ichid̶irã jipa nuree baara b̶ui ewaricha ichi ome chokae panad̶amera.

1 Corintios 5:7

Maud̶eeba masa ẽesãabibarii chi chõra ãyaa jirataaduu kĩra mau kachirua wau b̶uu machi tãed̶ebena ãyaa duabʉ́isturu. Maka machi kachiruaswãe nuread̶ai, harina wid̶i perad̶a ẽesãabibariiwãe b̶uu kĩra. Machi mau kĩra nureabiai baita, Cristo dachi kachirua kakua biusii, Egiptod̶ebena wãsid̶aud̶e oeja beaped̶aad̶a kĩra.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Efesios 2:13

Maamina jãabae Jesucristo ome panuud̶eeba, machi naed̶e kaitawẽ nuread̶a Dachi Akõreba Cristo oad̶eeba ichi kaita adausii.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.