Romanos 2:23 - Emberá Chamí

²³ Moisesba b̶ʉd̶a machiba ãrea kuitaa panuu abadau. Maamina mau Moisesba b̶ʉd̶ad̶e jara b̶uu ijãad̶awẽa panuud̶eeba, machi kakua waabenarãba Dachi Akõre ʉ̃rʉbena kachirua berreabadau.

Romanos 2:23 Referans Kwoze

Romanos 2:17

Machíturu judiorã abadau. Dachi Akõre biꞌia kuitaa panuu abadau. Kʉ̃risia panuu ichiba machi aid̶akuai Moisesba b̶ʉd̶a uru panuud̶eeba.

Romanos 9:4

chi israeld̶ebenarã. Dachi Akõreba naed̶e ãchi jʉrʉ adausii ichi warrarã nuread̶amera. Ichi kĩrawãrea ted̶echoa maarãmaa unubiasii. Ãchi nabẽraed̶ebenarã ome bed̶ea deasii. Moisesba b̶ʉd̶a maarãmaa deasii. Ãchimaa kuitaabiasii ichi de mechiud̶e kãare waud̶ai panuu maud̶e joma ichiba deai jarad̶a ãchi baita b̶uasii.

Romanos 3:2

Makawãema. Ãread̶e judiorã bai ãrea biꞌia b̶uu. Naa mʉʉba jaraaruu maka panuu Dachi Akõreba ichi bed̶ea maarãmaa deasiid̶eeba.

Juan 5:45

»Kʉ̃risiarã́sturu mʉ Chacha daad̶e mʉʉba machi jideai. Machiba Moisesd̶eeba biꞌia panad̶ai esed̶au panuu. Maamina ara mau Moisesba mʉ Chacha daad̶e machi jideai.

Lucas 18:11

Fariseo akʉ nub̶eeped̶a ara ichi ʉ̃rʉbena naka ʉtaa id̶isii: “Dachi Akõre, mʉʉba bichimaa bichíturu kid̶ibai a jaraaruu mʉ waabenarã kĩra niiwãed̶eeba. Ãchi nechiruabadau, kachirua waubadau, wẽra junebena ome kãi duaneebadau. Maud̶e mʉ Romad̶ebena baita chi nejarra pebarii kĩra niiwãe.

Romanos 3:27

Maud̶eeba ¿kãare ara dachi ʉ̃rʉbena biꞌia berread̶aima? Poyaa biꞌia berread̶aabai. ¿Sakãe? Poyaa biꞌia berread̶aabai, Moisesba b̶ʉd̶a wau panuud̶eeba chi ichid̶irã jipa nuree baara duanuubaid̶eeba, maumaarã Jesusd̶e ijãa panuud̶eeba maka duanui.