Romanos 2:22 - Emberá Chamí

²² Machiba jaradeabadau junebena miakãid̶a ome kãi b̶eebai b̶uu. Maamina machi junebena miakãid̶a ome kãi b̶eebadau. Machiba kʉ̃riad̶akau Dachi Akõre kuenda juaba ne kaped̶aad̶amaa ʉtaa id̶id̶ai. Maamina mau juaba kaped̶aad̶a de mechiud̶e mau nechiruabadau.

Romanos 2:22 Referans Kwoze

Mateo 12:39

Maamina Jesusba jarasii: —Machi id̶ibaebena kachiruarãba Dachi Akõred̶e ijãad̶ai ida b̶u panuu. Machiba mʉ bajãad̶ebena nee b̶uu kuitaad̶ai baita kʉ̃ria panuu mʉʉba ẽbẽrarãba ne poyaa waud̶akau waui. Maamina mʉʉba ẽbẽrarãba ne poyaa waud̶akau waubai. Machiba ab̶aburu chi Dachi Akõre baita berreabarii Jonasba makad̶a kĩra unud̶ai.

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.

Hechos 19:37

Nau ẽbẽrarãba dachi chi Artemisa de mechiud̶ebena nechiruad̶awẽa panumina maebʉrã ichi ʉ̃rʉbena kachirua berread̶awẽa panumina machiba namaa adoesid̶au.

Marcos 11:17

Ãchimaa naka jaradeasii: —Dachi Akõre bed̶ead̶e naka b̶ʉ kub̶uu: “Mʉ de, chi ʉtaa id̶ibadau de ad̶ai, joma puururã baita”. Maamina machiba “nechiruabadaurã chob̶ea” kĩra uru panuu.

Mateo 16:4

Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.