Biblia Todo Logo
Bib sou entènèt

- Piblisite -




Romanos 2:16 - Emberá Chamí

16 Jomaurãba chi ãchi sõd̶e mera uru panuu Dachi Akõreba nebʉra ichiai ewarid̶e Jesucristod̶eeba mau ichiai. Mʉʉba chi bed̶ea bia jaradea b̶uu kĩra ara maka b̶uai.

Gade chapit la Kopi




Romanos 2:16
31 Referans Kwoze  

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.


Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.


Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.


Ara mau kĩra ẽbẽrarãba joma bia kauwa ũrid̶awẽa panuu mera b̶uabai. Chi dachiba kauwa ũrid̶awẽa panuu Dachi Akõreba biꞌia kauwa ũribiai.


Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.


¡Biawãra makawãema! Dachi Akõre maka jipa niiwãe basirã, ¿saka nau iujãad̶ebenarã nebʉra jipa ichiai basma?


Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.


Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:


Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.


Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.


Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.


Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.


Joma b̶es ab̶aburu biud̶ai. Mau maad̶akare Dachi Akõreba nebʉra ichiai.


Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.


Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.


Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.


Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.


Ãbarã, kuitásturu chi bed̶ea bia Cristo ʉ̃rʉbena mʉʉba machimaa jaradead̶a ẽbẽra kʉ̃risiad̶ebenawãe.


Mau awara ãbarã, mʉʉba machimaa kĩrababiai chi bed̶ea bia Jesús ʉ̃rʉbena mʉʉba machimaa jaradead̶a. Mau bed̶ea machiba mʉʉd̶ebena kuitaasid̶au maud̶e ãrea ijãa panuu.


Swiv nou:

Piblisite


Piblisite