Romanos 16:10 - Emberá Chamí

¹⁰ Ãba Apelesmaa jarásturu mʉʉba kʉ̃ria b̶uu ichi biꞌia b̶uai. Ichiba unubisii Cristo biawãra ijãa b̶uu. Joma Aristóbulo ded̶ebenarãmaa bid̶a ara mau kĩra jarásturu.

Romanos 16:10 Referans Kwoze

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

1 Pedro 1:7

mau biꞌiwãe panuud̶eeba unubid̶ai Jesucristod̶e biawãra ijãa panuu. Machiba ijãa panuu nee kĩra b̶uu. Nee wãsiaba dorrab̶aribibadau mau chi néeturu b̶eemera. Ara mau kĩra machi ãrea biꞌiwãe panuu jãadua panuud̶eeba unubi panuu Jesucristod̶e biawãra ijãa panuu. Mau ijãa panuu nee audeara biꞌia b̶uu nee wãꞌãebariid̶eeba. Machiba Jesucristod̶e biawãra ijãa panuu unubi panuud̶eeba, ichi unuuduud̶e Dachi Akõreba machi biꞌia unui, biꞌia jarai maud̶e chi mechiurã b̶ui.

1 Timoteo 3:10

Ãbarã aid̶abadaurã b̶ud̶ai naed̶e ãrea kauwa ichiad̶ai panuu. Maabae maarã ʉ̃rʉbena kachirua jarad̶ayuswãe nureebʉrã, ijãabadaurã aid̶abadau panad̶ai panuu.

Filipenses 2:22

Maamina machiba kuitaa panuu Timoteoba biꞌia waubarii. Warrba ichi akõre aid̶abarii kĩra ichiba bed̶ea bia Cristo ʉ̃rʉbena aid̶a jaradea b̶uu.

2 Corintios 8:22

Mau ãbarã baara machimaa bʉiduud̶e, ãba june bʉid̶ai. Mau ãbaba b̶es ãrea daimaa unubiasii ãbarã ãrea aid̶a kʉ̃ria b̶uu. Id̶ibae machi ãrea aid̶a kʉ̃ria b̶uu machiba jipa waud̶ai kuitaa b̶uud̶eeba.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

1 Corintios 11:19

Biawãra machi kʉ̃risia aꞌawaraa panuud̶eeba unubid̶ai kairã Dachi Akõreba biꞌia unu b̶uu.

2 Timoteo 4:19

Ãba Aquilamaa maud̶e Priscamaa jarase mʉʉba jarabʉi b̶uu ãchi biꞌia panad̶ai. Ara mau kĩra ãba Onesíforo ded̶ebenarãmaa jarase.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

Romanos 16:3

Neekau Priscilamaa maud̶e ãba Aquilamaa jarásturu mʉʉba kʉ̃ria b̶uu maarã biꞌia panad̶ai. Ãchiba mʉ ome arab̶au traju Jesucristod̶e wau panuu.

Romanos 16:7

Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 12:2

Cristod̶e ijãabarii ẽbẽra ab̶a mʉʉba unubarii. Año 14 basiid̶e, Dachi Akõreba mau ãba bajãad̶aa ichi b̶uumaa adoesii. Mʉʉba adua b̶uu Dachi Akõreba ichi chi kakua adoe b̶uasii maebʉrã ab̶aburu ichi jauri adoe b̶uasii. Dachi Akõréburu mau kuitaa b̶uu.

Gálatas 1:22

Cristod̶e ijãabadaurã Judea druad̶ebenarãba mʉ unud̶akau basii.