Romanos 11:12 - Emberá Chamí

¹² Judiorãba Cristo ida b̶usid̶aud̶eeba ãchi audeara Dachi Akõreba joma nau iujãad̶ebena judiowãerã ãrea kariba b̶uu. Maud̶eeba chi judiorã waya Dachi Akõre ome biꞌia paneeduu ewarid̶e ¿Dachi Akõreba jomaurã biꞌia karibaabaika?

Romanos 11:12 Referans Kwoze

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Romanos 11:15

Dachi Akõreba judiorã ida b̶usiid̶eeba waabenarã nau iujãad̶ebenarã ichi ome biꞌia b̶usii. Maud̶eeba Dachi Akõreba judiorã waya kʉ̃ria adauruud̶e ¿jãarã ome kãare sakaima? Ãchi sid̶a biud̶arã kĩra panad̶a Dachi Akõre ome chokae nuread̶ai.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Romanos 9:23

Maka dauchia jãadua b̶uasii ichi biꞌia b̶uu mechiud̶ebena ichiba kĩra chuburia b̶uu ẽbẽrarãmaa kuitaabiai baita. Ãchi ichiba naed̶e jʉrʉ adausii ichi biꞌia b̶uud̶ebena uru panad̶amera.

Romanos 11:33

Dachi Akõre ãrea kuitaa nii maud̶e kʉ̃risia kuitaa nii. Ichiba waui kʉ̃risia b̶uu ab̶a bid̶a poyaa kuitaad̶aabai. Ichiba wau b̶uu sid̶a poyaa kuitaad̶aabai.

Hechos 3:21

Ʉ̃raud̶aa Jesucristo bajãad̶e b̶uu ab̶a Dachi Akõreba joma waya biꞌia chiwid̶i wauruud̶aa, chi Dachi Akõre baita berreabadaurãba nabẽraed̶e berreabachid̶au kĩra.