Romanos 1:7 - Emberá Chamí

⁷ Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

Romanos 1:7 Referans Kwoze

Colosenses 1:2

Mʉʉba nau karta b̶ʉʉruu ẽbẽrarã Dachi Akõred̶e, dachi ãbarã Jesucristod̶e ijãabadaurã Colosa puurud̶ebena baita. Daiba kʉ̃ria panuu Dachi Bajãad̶ebena Akõreba ichi sõbiad̶eeba machi kariba b̶uai maud̶e jirukaraayuwãe b̶uabiai.

Efesios 1:2

Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

1 Tesalonicenses 1:1

Mʉ Pablobʉ. Nau karta b̶ʉmaa b̶uu chi ãbarã Tesalónica puurud̶ebenarã baita. Machi Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Mʉ ãba Silvano maud̶e Timoteo mʉ baara panuu. Daiba kʉ̃ria panuu Dachi Akõreba maud̶e Dachi Mechiu Jesucristo bid̶a maarã sõbiad̶eeba machi kariba panad̶amera maud̶e jirukaraayuwãe panabiad̶amera.

2 Corintios 13:14

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai, Dachi Akõreba ãrea kʉ̃ria b̶uai maud̶e ewaricha Dachi Akõre Jauriba ãbua biꞌia uru b̶uai.

2 Juan 1:3

Mau biawãra bed̶ea ijãa panuud̶eeba maud̶e chiya kʉ̃ria panuud̶eeba, mʉʉba kʉ̃ria b̶uu Dachi Bajãad̶ebena Akõreba, dachi Akõre Warr Jesucristo ome ãchi sõbiad̶eeba machi kariba panad̶ai, kĩra chuburia panad̶ai maud̶e jirukaraayuwãe panabiad̶ai.

Filemón 1:3

Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba machi aid̶a panad̶amera maud̶e jirukaraayuwãe panabid̶amera.

2 Tesalonicenses 3:18

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi biꞌia nu b̶uamera.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

Apocalipsis 22:21

Mʉʉba kʉ̃ria b̶uu Dachi Mechiu Jesusba ichi sõbiad̶eeba machi joma aid̶a b̶uai. Biꞌia b̶uu maka b̶uai.

Filemón 1:25

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

1 Pedro 1:15

Dachi Akõreba machi iusii. Ichi ne jomad̶e jipa nii. Maud̶eeba machiba wauduucha jipa panásturu.

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

2 Timoteo 4:22

Mʉʉba kʉ̃ria b̶uu Dachi Mechiu Jesucristo bichi ome b̶uai maud̶e Dachi Akõreba ichi sõbiad̶eeba machi aid̶a b̶uai. Biꞌia b̶uu maka b̶uai.

2 Timoteo 1:2

Timoteo, nau karta bichi baita b̶ʉʉruu. Mʉʉba bichi ãrea kʉ̃ria b̶uu mʉ warr kĩra. Kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a bichi kĩra chuburia panad̶ai, ãchi sõbiad̶eeba aid̶a panad̶ai maud̶e jirukaraayuwãe panabid̶amera.

1 Timoteo 1:2

Timoteo, mʉʉba nau karta bichi baita b̶ʉʉruu. Mʉʉd̶eeba Cristod̶e ijãasiid̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba kĩra chuburia panad̶amera, ãchi sõbiad̶eeba aid̶a panad̶amera, maud̶e jirukaraayuwãe panabid̶amera.

1 Tesalonicenses 5:28

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uamera.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

Filipenses 4:23

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Filipenses 4:20

Maud̶eeba ewaricha Dachi Bajãad̶ebena Akõremaa biꞌia berread̶ai panuu. Biꞌia b̶uu maka b̶uai.

Efesios 6:23

Ãbarã, mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a machi aid̶ad̶ai chiya kʉ̃ria panad̶amera maud̶e biꞌia ijãa panad̶amera. Maud̶e mʉʉba kʉ̃ria b̶uu maarãba jirukaraayuwãe panabiad̶ai.

Gálatas 6:18

Ãbarã, mʉʉba kʉ̃ria b̶uu Dachi Mechiu Jesucristoba ichi sõbiad̶eeba joma machi aid̶a b̶uai. Biꞌia b̶uu maka b̶uai.

1 Corintios 16:23

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Romanos 9:25

Dachi Akõreba jarad̶a Oseas kartad̶e naka b̶ʉ kub̶uu kĩra: «Chi mʉ puurud̶ebenarãwãe bad̶a mʉ puurud̶ebenarã ai. Chi mʉʉba kʉ̃riawẽa b̶uad̶a puuru, mʉʉba kʉ̃ria b̶uu puuru ai».

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Romanos 1:6

Machi sid̶a Dachi Akõreba iusii Jesucristod̶e nuread̶amera.

Apocalipsis 2:1

»Chi Éfeso puurud̶ebena ijãabadaurã nubarii ángel baita kartad̶e naka b̶ʉse: »Chi jua biare 7 pusterrea uru b̶uuba maud̶e 7 lámpara nee waud̶a tãed̶e niiba naka jara b̶uu:

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Apocalipsis 3:22

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu».

Apocalipsis 3:14

»Chi Laodicea puurud̶ebena ijãabadaurã nubarii ángel baita kartad̶e naka b̶ʉse: »Biawãra Bed̶ea trʉ̃ jarabadauba Dachi Akõred̶ebena biawãra joma arakʉd̶e jarabarii. Ichid̶eeba Dachi Akõreba ne joma wausii. Ichiba naka jara b̶uu:

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

Apocalipsis 2:29

Chi kʉʉrʉ bara niiba ũrise Dachi Akõre Jauriba ãbarãmaa jara b̶uu.

Apocalipsis 2:18

»Chi Tiatira puurud̶ebena ijãabadaurã nubarii ángel baita kartad̶e naka b̶ʉse: »Dachi Akõre Warr dau tʉbʉ aokooruu kĩra b̶uu, maud̶e jʉ̃rʉ bronce tʉbʉd̶e kub̶ud̶akare urua kub̶uu kĩra b̶uu. Ichiba naka jara b̶uu:

Apocalipsis 2:12

»Chi Pérgamo puurud̶ebena ijãabadaurã nubarii ángel baita kartad̶e naka b̶ʉse: »Chi espada kid̶a muriacha peed̶ea era b̶uu iniiba naka jara b̶uu:

Apocalipsis 2:8

»Chi Esmirna puurud̶ebena ijãabadaurã nubarii ángel baita kartad̶e naka b̶ʉse: »Chi Nabena maud̶e Kaad̶ebena, chi biud̶a bad̶a waya chokae niiba naka jara b̶uu:

1 Timoteo 6:2

Ãchi chibari bid̶a Cristod̶e ijãa b̶uubʉrã, kʉ̃risiad̶aabai panuu ãbad̶eeba wapead̶aabai panuu. Maumaarã ichi baita bibuara trajad̶ai panuu. Ãchi trajud̶eeba Cristod̶e ijãa b̶uuba chi nejarra adaubariid̶eeba, kʉ̃riad̶eeba ichi baita trajad̶ai panuu. Mau jaradea b̶uase. Maud̶e ãchimaa jarase maka waud̶amera.

Hechos 9:13

Maud̶e Ananiasba jarasii: —Mʉ Mechiu, mʉʉba jãu ẽbẽra ʉ̃rʉbena ũri b̶uu. Ãreaba jarabadau Jerusalend̶e ichiba bichi ẽbẽrarã ãrea kachirua wau b̶uu.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

1 Corintios 1:24

Maamina Dachi Akõreba chi nuree judiorã maud̶e chi nuree judiowãerã iusii Cristod̶eeba karibai baita. Maarãba kuitaa panuu Dachi Akõreba Cristod̶eeba chi poyaabarii maud̶e kʉ̃risia kuitaa unubiasii.

Filipenses 1:2

Daiba kʉ̃ria panuu Dachi Bajãad̶ebena Akõreba maud̶e Dachi Mechiu Jesucristo ãchi sõbiad̶eeba machi aid̶a panad̶ai maud̶e ãchi jirukaraayuwãe panabiad̶ai.

1 Tesalonicenses 1:4

Ãbarã, Dachi Akõreba machi ãrea kʉ̃ria b̶uu. Daiba kuitaa panuu ichiba machi jʉrʉ adausii.

2 Tesalonicenses 1:2

Daiba kʉ̃ria panuu Dachi Bajãad̶ebena Akõreba maud̶e Dachi Mechiu Jesucristo ãchi sõbiad̶eeba machi aid̶a panad̶amera maud̶e jirukaraayuwãe panabiad̶amera.