Mateo 8:15 - Emberá Chamí

¹⁵ Jesusba mau wẽra jua wausiid̶e, chi kʉamia duusii. Maabae jiraduped̶a ãchimaa chiko kobiasii.

Mateo 8:15 Referans Kwoze

Lucas 8:54

Maamina Jesusba chi wẽrakau juad̶e jidauped̶a jarasii: —¡Wẽrakau, jiraduse!

Marcos 1:41

Jesusba miichuburi nii unud̶ad̶eeba ichi jua ʉ̃rʉ kub̶uuruud̶e jarasii: —Maka wau kʉ̃ria b̶uu. ¡Aribiáse!

Mateo 20:34

Jesusba maarã kĩra chuburiasii maabae chi maarã dau wausii. Ara makʉd̶e unu kopaneesid̶aud̶e Jesús baara wãsid̶au.

Mateo 14:36

Ãchiba ichimaa chi chuburia id̶isid̶au ichiba ichi anab̶ari jʉ̃barii id̶e waubiamera. Joma ẽpermo nureeba mau wauduud̶e aribiabachid̶au.

Mateo 9:29

Maabae Jesusba ãchi dau wauped̶a jarasii: —Mʉʉba waui machiba ijãa panuu kĩra.

Mateo 9:20

Mau wãaduu nid̶aud̶e wẽra ab̶a 12 año oamia inii Jesusmaa ara kaita wãped̶a kaad̶eeba, ichi anab̶ari jʉ̃barii i wausii».

Mateo 8:3

Maud̶e Jesusba chi ẽbẽra jua ʉ̃rʉ kub̶uped̶a jarasii: —Maka wau kʉ̃ria b̶uu. ¡Aribiáse! Ara makʉd̶e mau kakua chau nii bad̶a anisii.

Mateo 8:14

Maabae Jesús Pedro deemaa wãsii. Ed̶a wãsiid̶e Pedro pakõre kʉamiaba kʉd̶ad̶e b̶uu unusii.

Mateo 8:16

Kiusiid̶e ẽbẽrarãba, ãrea ẽpermo nuree Jesusmaa eneesid̶au. Maud̶e Jesusba jaraaruuba chi jai kachiruarã joma duabʉikasii maud̶e ẽpermo nuree joma aribiabiasii.

Marcos 1:29

Maud̶e judiorã araa ãbua imibadau ded̶ebena wãd̶aped̶a Simón deed̶aa wãsid̶au Jesús, Santiago maud̶e Juan. Simón ãba Andrés sid̶a aria b̶uabachii.