Mateo 7:24 - Emberá Chamí

²⁴ »Maud̶eeba barikiuba mʉ bed̶ea ũriped̶a ijãaruubʉrã, nau kĩra b̶uai: ẽbẽra kʉ̃risia kuitaa b̶uuba ichi de mo ʉ̃rʉ wausii.

Mateo 7:24 Referans Kwoze

Juan 13:17

¿Ũrisid̶aka? Maka wauduubʉrã biawãra biꞌia panad̶ai.

Lucas 11:28

Maamina Jesusba jarasii: —Mau kãyabãra Dachi Akõre bed̶ea ũrid̶aped̶a ijãa waubadaurã biꞌia nuree.

1 Juan 2:3

Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

Juan 15:14

Mʉʉba waubi b̶uu bed̶ea machiba ijãaduubʉrã machi mʉ kõpaerorãbʉ.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Mateo 12:50

Mʉ Chacha bajãad̶e b̶uuba waud̶ai kʉ̃ria b̶uu, mau mʉ ãbabʉ, mʉ neekaubʉ maud̶e mʉ nawebʉ.

Mateo 7:25

Maud̶e kui che kob̶eesii, pũatu ãrea pũatu kob̶eesii maud̶e do chesii, maamina chi de b̶aebasii mo ʉ̃rʉ wau kub̶uasiid̶eeba.

Mateo 7:26

Maamina mʉ bed̶ea ũriped̶a wauwẽebʉrã, nau kĩra b̶uai: ẽbẽra kʉ̃risiaswãe niiba ichi de ibud̶e wausii.

Mateo 16:18

Mʉʉba jaraaruu: bichi Pedrobʉ. Mʉʉba nau mo ʉ̃rʉ mʉ puuru wauruu. Biumia ab̶au bid̶a mʉ puuru ome poyaabai.

Mateo 24:45

»Chibari baita bari trajabarii kʉ̃risia kuitaa b̶uuba jipa waubarii kĩra duanásturu. Ichi chibariba chi waabenarã bari trajabadaurã ichi juad̶e b̶usii chi kod̶ai baaruud̶e kobia b̶uamera.

Mateo 25:2

Mau ãwerarã jua ab̶a biꞌia kʉ̃risia panasid̶au. Maud̶e chi waabenarã jua ab̶a kʉ̃risia adua panasid̶au.

Mateo 25:4

Maud̶e chi biꞌia kʉ̃risia nureeba ãchi ʉ̃d̶aa koabarii eneesid̶au, maud̶e olivo draa ãrea adoesid̶au.

Mateo 25:9

Maamina chi biꞌia kʉ̃risia nureerãba panausid̶au: “Daiba machimaa dead̶awẽe jomaurã baita wãꞌãed̶eeba. Maumaarã wã́sturu, draa nedobadaumaa machi baita nedod̶amera”.

Romanos 2:13

Moisesba b̶ʉd̶a ũri panuud̶eeba ẽbẽrarã Dachi Akõre daad̶e jipa nuread̶aabai, maumaarã mau joma wau panuud̶eeba Dachi Akõreba maarã nebʉraswãe nuree ai.