Mateo 7:15 - Emberá Chamí

¹⁵ »Kauwa panásturu. Waabenarãba setad̶eeba Dachi Akõre baita berreabadau abadau. Ãchiba biawãra kĩra jaradeabadau maamina maka panuu ẽbẽrarãba Dachi Akõre bed̶ea ida b̶ud̶amera.

Mateo 7:15 Referans Kwoze

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.

Mateo 24:11

Dachi Akõre baita berreabadau chi biawãrawãe nuree need̶ai. Maarãba ẽbẽrarã ãrea setaa kũruad̶ai.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

2 Pedro 3:17

Ãbarã, machiba mau kuitaa panuud̶eeba kauwa panásturu ẽbẽra kachiruarãba biꞌiwãe jaradea panuuba setaa kũruarãad̶amera. Maka machiba ãrea ijãa panuu ida b̶ud̶aabai.

Lucas 6:26

Machi miichuburi panad̶ai ẽbẽrarãba machi ʉ̃rʉbena biꞌia jaraaduubʉrã. Machi nabẽraed̶ebenarãba ẽbẽrarã Dachi Akõre trʉ̃d̶eeba setaa jaradea nuree ʉ̃rʉbena maka biꞌia jarabachid̶au”.

2 Timoteo 3:13

Maud̶e ẽbẽra kachiruarãba maud̶e waabenarã setaa kũruabadaurãba aude kachirua wau panad̶ai. Waabenarã setaa kũrua panad̶ai maud̶e waabenarãba ãchi setaa kũruad̶ai.

2 Timoteo 4:3

Ewari ab̶a neeruud̶e ẽbẽrarãba biawãra bed̶ea ũri kʉ̃riad̶awẽa panad̶ai. Maumaarã ara ãchiba kʉ̃ria panuu maka waud̶ai. Maud̶eeba jaradeabadaurã ãrea jʉrʉd̶ai ãchiba ũri kʉ̃ria panuu jaradead̶amera.

Filipenses 3:2

Ẽbẽrarã usa kĩra nureed̶ebena kauwa duanásturu, maarãba kachirua waubadaud̶eeba. Maarãba jaradeabadau mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Gálatas 2:4

Mau ʉ̃rʉbena berreasid̶au chi nuree biawãra ãbarãwãeba jarabachid̶aud̶eeba. Maarã ãbarã kĩra need̶aped̶a, unud̶ai kʉ̃riabachid̶au dachi Moisesba b̶ʉd̶ad̶ebena ãyaa wãsid̶au kuitaa. Jesucristod̶e ijãad̶ai bad̶amaarã, chi Moisesba b̶ʉd̶a waya waubi kʉ̃ria panasid̶au, chi mau b̶ʉd̶a baita bari trajabadaurã kĩra.

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Apocalipsis 16:13

Maud̶e õbea chi jai kachirua nureerã unusii. Ab̶a dragón okarrd̶ebena neesii. Ab̶a ãnimara okarrd̶ebena neesii. Maud̶e ab̶a Dachi Akõre baita berreabarii chi biawãrawãe okarrd̶ebena sid̶a neesii.

Efesios 5:6

Ab̶a bid̶a setad̶eeba kachirua waud̶ai panuu aaruubʉrã, ida setaa kũruabirã́sturu. Kachirua wau panuu baita Dachi Akõreba chi ichi bed̶ea ijãawẽa nuree kastikai.

Hechos 13:40

Kauwa panásturu chi Dachi Akõre baita berreabadaurãba b̶ʉped̶aad̶a machi ome makarãamera. Naka b̶ʉsid̶au:

Juan 10:12

Maamina ab̶aba chi nejarra kakua oeja nu b̶uaruubʉrã, usa kachirua neeruud̶e oeja duanuiped̶a miru wãi. Oeja ichid̶iwãed̶eeba biawãra nukau. Maud̶e usa kachiruaba oeja ab̶a kaa adauruud̶e waabenarã jĩichoabadau.

Mateo 16:11

¿Sakaburu kauwa ũrid̶awẽma, mʉʉba pan ʉ̃rʉbena berreawẽa b̶uu? Mʉʉba jarasii fariseorã masa ẽesãabibarii maud̶e saduceorãd̶e kauwa panad̶amera.

Mateo 16:6

Maud̶e Jesusba jarasii: —Fariseorã masa ẽesãabibarii maud̶e saduceorãd̶e kauwa panásturu.

Mateo 10:17

Ẽbẽrarã tãed̶e kauwa nureásturu. Ãchiba machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai.

Apocalipsis 17:6

Mʉʉba ichiasiid̶e kuitaasii mau wẽra ẽbẽrarã Dachi Akõred̶erã oaba itua biu b̶uasii, chi Jesusd̶e ijãabadaurã maud̶e chi ichi ʉ̃rʉbena jarabadaurã beaped̶aad̶a oaba. Mau wẽra unud̶akare kãare kʉ̃risiai adua basii.

Hechos 13:6

Joma mau druad̶e nid̶aud̶e Pafos puurud̶e neesid̶au. Aria judio Barjesús abadau unusid̶au. Mau Barjesús jaibana basii. Setaa jarabachii ichi Dachi Akõre baita berreabarii.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.