Mateo 7:13 - Emberá Chamí

^13-14 »Machi chi poraa pĩchua nub̶uud̶e wã́sturu. Tʉbʉchia kiikau poraa jõparrea nub̶uu. Chi o sid̶a jõparrea b̶uud̶eeba, aria ãrea ed̶a wãbadau. Maamina chi poraa pĩchua nub̶uu, Dachi Akõre ome ewaricha chokae b̶uai baita. Chi o pĩchua b̶uud̶eeba chaarea b̶uu wãi baita. Mau o ãreaba unud̶akau.

Mateo 7:13 Referans Kwoze

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 10:9

»Mʉ chi poraabʉ. Chi mʉʉd̶eeba ed̶a wãaruu kachiruad̶ebena karibai. Ãrea jirukaraayuwãe b̶uai, ichiba wãꞌãe b̶uu Dachi Akõreba joma deaid̶eeba.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a.

2 Corintios 6:17

Maud̶eeba Dachi Mechiuba naka jarasii: «Maarãd̶ebena ãyaa wã́sturu. Maarã ome araa ãbua panarã́sturu. Mʉʉba chi biꞌia unukau ida b̶ústuru. Maabae mʉʉba machi biꞌia irsibii.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Apocalipsis 20:15

Chi ẽbẽrarã trʉ̃ chi ewaricha chokae duanabarii kartad̶e wãꞌãerã Dachi Akõreba mau ea chob̶ead̶e azufre bara aoko nub̶uud̶e jiratasii.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Apocalipsis 20:3

Angelba mau eakarr ed̶aa chob̶ead̶e jiratasii maabae jʉ̃a kub̶usii ab̶au bid̶a poyaa ewarãad̶amera. Maud̶eeba jʉbawãe niiba drua jomad̶ebenarã waa setaa kũruabai ab̶a 1.000 años wãꞌãeruud̶aa. 1.000 años bad̶akare mau enatai nau iujãad̶e ewari b̶aꞌãra b̶uamera.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Romanos 9:22

Ara mau kĩra Dachi Akõreba wau kʉ̃riad̶a naka wausii. Ẽbẽrarãba kachirua wau panuu baita Dachi Akõreba ichi kĩrubarii unubia b̶uud̶eeba maud̶e ichi poyaad̶eeba kastikaped̶a tʉbʉ aokod̶e jiratai basii. Maamina chi ãchiba kachirua wau panuu joma dauchia jãadua b̶uasii.

Lucas 14:33

»Ara mau kĩra mʉ baara wãd̶ai naed̶e machid̶ebenarã ab̶a joma chi uru b̶uu ida b̶ui ʉ̃rʉbena kʉ̃risiawẽebʉrã mʉ ome poyaa nibaabai.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Lucas 9:33

Mau ẽbẽrarã Jesús ome panad̶a wãaduud̶e Pedroba Jesusmaa jarasii: —Jaradeabarii, biꞌia b̶uu dai nama panuu. De cheke õbea pãeb̶arid̶ai: ab̶a bichi baita, ab̶a Moisés baita maud̶e ab̶a Elías baita. Pedro maka berreasii kãare kʉ̃risiai adua b̶uasiid̶eeba.