Mateo 7:11 - Emberá Chamí

¹¹ Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Mateo 7:11 Referans Kwoze

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Romanos 3:9

Maud̶eeba ¿kãare jarad̶aima? ¿Jarad̶aika dai chi judiorã waabenarã audeara biꞌia nuree? ¡Makawãema! Mʉʉba nau kartad̶e kuitaabiasii judiorãba maud̶e judiowãerã bid̶a kachirua waubadau.

Mateo 7:10

Warrba b̶eda id̶iiruud̶e ¿chi akõreba dama deaika?

Mateo 23:9

Mau awara nau iujãad̶ebena ab̶aumaa bid̶a “dai akõre” arã́sturu, Akõre ab̶a bajãad̶éburu uru panuud̶eeba.