Mateo 6:30 - Emberá Chamí

³⁰ Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 6:30 Referans Kwoze

Lucas 12:28

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 14:31

Ara makʉd̶e Jesusba juad̶e jidau adausii maabae jarasii: —¿Wabid̶a bichiba ijãawẽa b̶uka? ¿Sakãe ijãawẽa b̶uma mʉʉba bichi bania ʉ̃rʉ poyaa nibabii b̶uu?

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

Mateo 16:8

Jesusba kuitaa b̶uasii kãare ʉ̃rʉbena berrea panuu. Maud̶eeba jarasii: —¿Sakãe pan wãꞌãe a panuma? Machiba Dachi Akõred̶e ijãad̶awẽa panuu kĩra panuu.

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Juan 20:27

Maabae Tomasmaa jarasii: —Bichi jua jimid̶i nama bʉise, mʉ jua ab̶aab̶aa ichiáse, maud̶e bichi jua mʉ orrd̶e bʉise. Waa ijãawẽa b̶uarã́se, maumaarã ijãase mʉ biawãra chokae jiradusii.

Marcos 4:40

Maka b̶uud̶e Jesusba ãchimaa jarasii: —Machi ¿sakãe wapea panuma? ¿Dachi Akõred̶e wabid̶a ijãad̶awẽa panuka?

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.

Lucas 9:41

Maud̶eeba Jesusba panausii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Bichi warr namaa eneese.

Marcos 9:19

Jesusba jarasii: —¡Machiba Dachi Akõred̶e ijãad̶akau! Machiba ijãad̶amera ¿sakaed̶aa mʉ dauchia jãadua b̶uaima? Mau warr namaa enésturu.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.