Mateo 5:9 - Emberá Chamí

⁹ Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Mateo 5:9 Referans Kwoze

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Romanos 8:14

Joma Dachi Akõre Jaurid̶eeba nibabadaurã Dachi Akõre warrarãbʉ.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

Hechos 7:26

Norema Moisesba unusii Israeld̶ebena ome chĩo panuu. Ãchi jua dead̶amera naka jarasii: “¡Machi arab̶au puurud̶ebenabʉ! ¿Sakãe jãka chĩo panuma?”

Mateo 5:45

Maka wauduubʉrã, machi bajãad̶ebena Akõre Mechiu warrarã panad̶ai. Mauba ʉmada koabibarii jomaurã ʉ̃rʉ; biꞌia nureerã ʉ̃rʉ maud̶e kachirua nureerã ʉ̃rʉ. Maud̶e ichiba kui chebibarii ichi bed̶ead̶e jara b̶uu kĩra waubadaurã ʉ̃rʉ, maud̶e ichi bed̶ead̶e jara b̶uu kĩra waud̶ai kʉ̃riad̶akau ʉ̃rʉ bid̶a.

1 Corintios 6:6

Mau ãyaa ãba waabena ãba ome kĩru berread̶aped̶a nau iujãad̶ebena juezrãmaa wãbadau. Biawãra maka waud̶aabai panuu chi Dachi Akõred̶e ijãad̶akaurã daad̶e kĩru berreabadaud̶eeba.

Filipenses 4:2

Mʉʉba neekau Evodiamaa maud̶e neekau Sintiquemaa chi chuburia id̶iiruu chiya berread̶amera, Dachi Mechiu Jesucristo ome panuud̶eeba.

Lucas 20:36

Makaa biud̶aabai. Ãchi Dachi Akõre angelerã kĩra paneed̶ai. Maarã Dachi Akõre warrarãbʉ, chokae jiradud̶aid̶eeba.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Romanos 8:16

Dachi sõd̶e Dachi Akõre Jauriba kuitaabia b̶uu biawãra Dachi Akõre warrarã.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,