Mateo 5:39 - Emberá Chamí

³⁹ Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Mateo 5:39 Referans Kwoze

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.

1 Corintios 6:7

Biawãra waabenarã machid̶ebena nebʉra uru panabadaud̶eeba unubi panuu jipa nibad̶akau. ¿Bibuara b̶uuwãeka chi bichimaa kachirua waud̶a jãaduai, chi nebʉra ichiabadaumaa wãi bad̶amaarã? ¿Bibuara b̶uuwãeka bichiba uru b̶uu ida chiruabii, bichi ãba chi nebʉra ichiabadaumaa adooi bad̶amaarã?

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

Hebreos 12:4

Machi kachirua ome chĩo panumina wabid̶a machi bead̶awẽa panuu Jesús beaped̶aad̶a kĩra.

Lucas 22:64

Jesús dau jʉ̃d̶aped̶a sĩ panasid̶au. Maud̶e naka jara panasid̶au: —¡Dachi Akõre baita berreabarii kĩra daimaa jarase kaiba bichi sĩsii!

Mateo 5:40

Maud̶e nebʉrad̶e b̶uud̶e, ab̶auba bichi paru juakaa adauruubʉrã, sõbiad̶eeba bichi anab̶ari jʉ̃barii sid̶a ichimaa dease.

Lucas 6:7

Moisesba b̶ʉd̶a jaradeabadaurã maud̶e fariseorã panasid̶au. Maarãba Jesús ichia panasid̶au bari panabadau ewarid̶e ẽbẽra jua bʉʉ nii aribiabii kuitaa. Aribiabid̶a basirã mau ʉ̃rʉbena kachirua jarad̶ai kʉ̃risia panasid̶au.

Juan 18:23

Jesusba panausii: —Mʉʉba bed̶ea kachirua jarasiibʉrã, mʉʉmaa jarase, kãare bed̶ea kachirua berreasii. Maamina mʉʉba jarad̶a biawãra b̶uubʉrã, ¿sakãe mʉ sĩsma?